Saturday, June 28, 2008


لقد سمعت تعليقات عدة عن الفيلم "الريس عمر حرب" قبل أن أراه، مثل (فيلم سطحي)، (فيلم قليل الأدب)، (فيلم مشاهد السكس فيه متقدمة يا معلم، ثثثثثث)، و تعليق آخر من سائق تاكسي :(فيلم متخلف)، و بالطبع كان يجب أن أشاهد الفيلم لأن (خالد يوسف) برغم ما يقال عنه، و برغم أنني لست من معجبيه، يستحق مشاهدة أفلامه، كما أنني أملك الكثير من أوقات الفراغ

حينما رأيت الأفيش وجدت إسم (قصة و سيناريو: هاني فوزي)، هنا تغير حماسي كله من صفر إلى عشرة، نظراً لأنني أحببته جداً منذ فيلم (بحب السيما)، طابعه السوداوي القوطي هذا، و اهتمامه بالإنسان كعالم أكثر من اهتماته بالمحيط الخارجي كعالم، كما أن الموسيقى كانت لـ(راجح داوود) و هذا حماس آخر

كان ما سمعته عن الفيلم و ما رأيته شيئا آخر تماماً، قصة الفيلم جيدة جداً، كانت رمزية في مجملها، و تلميحاتها واضحة للعيان ( وفي بعض الأحيان ساذجة بعض الشيء) و أعتبر من الغباء أن لا ينتبه من يشاهد الفيلم لهذه التلميحات

فشخصية خالد صالح (الريس عمر) كان يرمز للإله، فهو رئيس الكازينو (الدنيا (؟))، الذي يقال عنه الأساطير و الحكاوي، سواء كانت صحيحة أو غير صحيحة، و الذي يتحكم في كل شيء و أي شيء، و يترك أتباعه الموظفين يتحركون ظانين أنهم يتحركون كما يشاءون، و لكنهم في الأصل يتحركون كما يشاء هو، ثم يأتي بعد ذلك العقاب الرادع ، لعلهم يكونون عبرة لمن يعتبر، و تقطر من بين شفتيه الحكمة دائماَ، و لا يخرج منه العيب

ثم هاني سلامة (خالد) الذي يعمل في الكازينو حباً في الكازينو، و يعتبر أنها (متعة) كما قال، و يبتعد عنه خطيبته و ذويه و أصدقائه لأنه يعمل في كازينو فبالتالي ماله حرام، و يعيش وحيداً يحلم كوابيساً عن الترك و النبذ، و تنجذب له امرأتان جميلتان (سمية الخشاب و غادة عبد الرازق)، ثم يعجب خالد بشخصية (الريس عمر)، فيحاول أن يقلده و يتخذ منه قدوة في قدرته على التحكم في الرولات و في الأرقام و قوته و سيطرته

و ينجذب (الريس) لخالد، لأنه توسم فيه الموهبة، فهو مختلف عن باقي الناس الذين يفضلون أن يعيشوا في قطيع، لأنهم يخافون الوحدة و الموت، و الفناء دون أن يذكرهم أحد، و يكرهون من يُتوسم فيه التميز لأنهم يخافون الاختلاف، و هذا ما قاله (الريس) لخالد و أضاف قائلاً : ( أنا بلعب على جزء الخوف في كل بني آدم، عشان هو اتخلق خالد .... بس بيموت)، فخالد يرمز لآدم (النبي) الذي اصطفاه الريس عمر : أنا كان لازم أقسي عليك في الأول.... عشان أشوف معدنك

ثم في آخر الأمر عجز خالد عن التمرد على (الريس)، ويكتشف أن كل ما ظن أنه حادثاً بإرادته كان في آخر الأمر هو إرادة (الريس)، الذي قرر أن يتخذه كإبن، حاضنا إياه بمعزة قائلا: (إبني)

أغلب محتوى الفيلم رموز دينية و فلسفية واضحة جداَ، في إطار سيناريو عميق، و جيد الصنع

و هنا جاء دور خالد يوسف في قولبة الفيلم داخل قالب تجاري (حبشتكناتي) يتحدث عن الكازينو و الريس المجرم الجبار و المزز و الفتى الغلبان الضائع في كل هذا، ليستنكر الناس قائلون (ما هذا الفيلم المنحرف، ما ما مياااا)، بيد أن مشاهد الجنس لم يكن بالكثرة التي تجعله محور الفيلم، و هذا ما يثبت أن (الناس هايجانة و لامؤاخذة و اتلمخت في الآهات و البزاز) فلم يستطعوا التركيز في باقي الفيلم

هناك مآخذ بالطبع منها بعض تأثيرات الجرافيك الساذجة (جدا جدا)، منها مشاهد كوابيس خالد و لمعان عين (الريس) كأنه الجني، كانت أشبه بالكرتون، و هذا لا يليق بقصة الفيلم بتاتاً

و هناك تخمينات أخرى أضفتها مثل أن شخصية سمية الخشاب (حبيبة) كانت (حواء) التي أحبت فعلا خالد و لكنها في آخر الأمر أصبحت من ضمن المتآمرين عليه لأنها لم تستطع مخالفة أوامر الريس عمر حرب

و شخصية (غادة عبد الرازق) هى الأنثى الشريرة آكلة الأولاد (ليليث)، بالطبع لا أستطيع القول أنها تخمينات صحيحة أم لا

المهم أنني سعدت لأن هناك فيلم يظهر في موسم الصيف و يكون مثيراً للإهتمام و جيد الصنع بعيداً عن بلاوي (السينما الهادفة) الكبرى (صفة للبلاوي)، بعد أفلام هنيدي و و ، و آخره فيلم (كباريه)

و بالطبع موسيقى راجح داوود، رائعة جداً

جودة الممثلين تنازلياً : خالد صالح، غادة عبد الرازق، بهجت الجبوري، سمية الخشاب، هاني سلامة

13 comments:

Anonymous said...

شجعتينى اشوفه.كمان انا بموت فى موسيقى راجح داود خصوصا فيلم الكيت كات. تحياتى

mindonna said...

أتمنى الفيلم يعجبك :)
ابقى قولي رأيك عالفيلم
تحياتي

Moustafa` said...

رغم اني لم أره ولا أتفق مع نوعيه الفيلم
ولا قصته ولا استخدام الرموز الدينيه بالشكل ده ولا القولبه التجاريه المحضه
إلا أن تحليلك رغم خروجه عن المنطوق واحتواءه بعض اللسعات الحارقه إلا أنه جيد جدا كمنظور سينمائي
تحياتي

Anonymous said...

انا بحب افلام خالد يوسف لان افلامة ليها معنى بس مالهاش لازمة المشاهد دى مش هى يعني الي هتبوظ الدنيا وتخلى الواحد ىبقى مكسوف ونفسه يستخبي تحت الكرسى من الكسوف مش كده ولا ايه؟ الله يرحمك يااستاذ فؤاد

mindonna said...

s@g
يعني ايه المنطوق؟
شكرا على تعليقك

المجهول :
يعني هو الراجل مضحكش عليك، الفيلم مكتوب عليه (للكبار فقط)

شغف said...

ميندونا ااااا
يا بنتي الفيلم بيقول ده كله من أول الإعلانات أصلا

الإعلان بتاعه و الحتت المتاخده فيها من الفيلم بتقول الكلام ده ع المكشوف
و أنا دخلت الفيلم عشان كده أصلا
و أكيد أكيد الأكيد عشان هاني فوزي هوه اللي كاتب السيناريو

و إن كان كاتبه بطريقة فسلفتها فجة شوية و واضحة قوي ، و مش يدي حاجة تانية غير ده
غير بحب السينيما اللي على الرغم انه كان فيه النقطة دي ، لكنه كان معمول في إطار حلو فيه قصة و فيه صراعات متعددة و شخصيات مرسومة كويس و أسئلة بتتطرح ، بيتجاوب عليها ساعات ، و بتترمي في عقل اللي بيتفرج و تتساب ساعات تانية

في الريس عمر حرب ، اللي بيفضحه جداا اسمه
و بيفضحه الجمل الحوارية المباشرة قوي
و مشهد قطع ايدين أحد موظفي الكازينو اللي خالف القواعد ( مش بيفكرك بحد السرقة في الإسلام مثلا ؟ )
تحسي إن العالم مصطنع جداا عشان يحط هاني فوزي أفكاره فيه مش أكتر

يمكن السؤال الوحيد اللي طرحه عليا الفيلم من إعلاناته / و اللي مش قدرت أوصل لإجابته من خلال مشاهدة الفيلم لأن حتت كتييير وقعت مني ، و البركة في الإخوة اللي كانوا قاعدين ورانا يتريقوا و يضحكوا و يتكلموا /
هوه : هل الريس عمر حرب هو رمز للإله ؟ و لا رمز للإله اللي جزء من طبيعته شيطاني ؟ و لا رمز للشيطان ؟
أعتقد إنه اللي في النص ، و إن كنت محتاجة أشوف الفيلم مرة تانية ، بس عشان أحدد

ملحوظة : عنصري المتعة و الفن في الفيلم ده قليلين جدا جداا / عكس بحب السينيما

audry said...

تحليلك عجبني جداً
الفيلم مثير للاهتمام وأكيد أول فيلم لازم يتشاف ف الموسم

Anonymous said...

ba3eedan 3an siyaq il film, rabbina yihdeena o yihdeeki ya mindona. kol ma ageeki towga3i albi. li2anni ba7ibbik o li2anni bashoofik btib3idi 3an rabbina shwayya shwayya, aw kteer kteer, o bat2allam. nifsi afham il sabab. rabbina kareem o ra7eem, rabbina yihdeena o yihdeeki ya mindona.

mindonna said...

شغف: احنا آرائنا واحدة تقريبا في الفيلم ده
رموز الفيلم فعلا كانت ساذجة جدا في أجزاء كتير
و من الغباء اللي قاله خالد صالح ف الصحافة ان الفيلم لم يكن يرمز إلى الإله :(حاشا لله بل هو شيطان رجيم) !!
رمزية الرب كانت واضحة جدا و خاصة حينما ضم خالد إلى صدره متمتما : إبني، و هذا يتناسب مع فكرة المسيح بن الله، حيث أفلام هاني فوزي تتسم بجو مسيحي دائما
هو أكيد بحب السيما كان أحلى
كفاية انه كان أسامة فوزي مش خالد يوسف :)
بس لو افترضنا ان أسامة فوزي هيعملها أكيد في تفاصيل كتيرة كانت هتختفي او هتتغير تماما، بمعنى هتبقى أقل تجارية

أودري : مرسي جدا يا جميل ;)

الأخ/الأخت الأنونيموس : مش فاهمة ليه مش بتكتبو أساميكو

admelmasry said...

بغض النظر .. عن محتوي الفيلم
.
.
تعليقك محترم جدا جدا
اول مرة بجد من زمن ياعني اشوف حد بيفهم

Michel Hanna said...

أنا متهيألي ان الريس هعمر يرمز للشيطان مش للإله
ده على أساس انه رئيس الكازينو/ الدنيا برضه
خلي بالك من ان ثقافة الكاتب مسيحية
وفي الثقافة المسيحية رئيس هذا العالم هو الشيطان، وفقا لتعبير الإنجيل
وده على أساس ان المؤمنين ليسوا من هذا العالم، وانهم بينتموا لعالم سماوي أفضل
وعلى كده يبقى الريس عمر هو الشيطان
عجبني قوي تشبيهك لسمية وغادة بحواء وليليث
برضه موضوع لمعان عينين الريس عمر كان أغبى حاجة في الفيلم

لكن برضه يفضل فيه نوع من التردد واللخبطة ما بين هل عمر حرب إله أو
شيطان
يعني حسب ما شرخت فوق هو شيطان
لكن إيه معنى جملة : أنا اصطفيتك اللي قالها لهاني سلامة؟
هل ده بيفكرنا مثلا باصطفاء الله للنبي المصطفى؟
فيه نوع من اللخبطة والقلق في الرموز،، كأنه حشر كل حاجة في مكان واحد.

Mahmoud said...

انا بحب كل افلام جو و تلامذته خاصه تلميذه النجيب خالد يوسف

Anonymous said...

دردشة شات بنت مصر ، دردشة مصرية - مجتمع مصري ترفيهي للمرأة المصرية
دردشة
بنت مصر
شات بنت مصر
دردشة بنت مصر
شات مصرى
دردشه مصريه
شات بنات مصر
دردشة مصرية
دردشة بنات مصر
شات مصر
دليل بنت مصر-شات بنت مصر - دليل الدردشات
دردشة بنت مصر،شات بنت مصر،بنت مصر،العاب بنت مصر
دردشة بنت مصر،شات بنت مصر،بنت مصر،يوتيوب بنت مصر
شات بنت مصر،دردشة بنت مصر،بنت مصر،جوال بنت مصر
بنت مصر،دردشة شات بنت مصر،توبيكات بنت مصر
دردشة بنت مصر،شات بنت مصر،بنت مصر،مطبخ سيدتى بنت مصر
دردشة بنت مصر،شات بنت مصر،بنت مصر،الازياء والموضة بنت مصر
شات بنت مصر،صور الماسنجر بنت مصر،صور دردشة بنت مصر
شات،شات كتابى،شات بنت مصر،شات مصرى،مصري