Saturday, February 11, 2006

يوميات رجل حالم2




هذا اليوم حلمت حلماً غريباً بعض الشيء ، كنت متواجداً عند منطقة (...) ، وهي منطقة مزدحمة تعج بالكثير من أصناف البشر كما تعلمون ، و تمتلئ ظهراً بالعربات و الميكروباصات إلي آخر الأشياء الخانقة ، و كنت واقفاً في ذروة الزحام لا أفعل شيئا سوي أنني واقف أتلقي خبطات المارين من حولي محدقاً في المزلقان الموجود في هذه المنطقة و كأنني أنتظر شيئاً ما ، مرّ قطار ، و هنا حدث الشئ .. انقلب القطار..عربة تلو الأخري دون سابق إنذار وسط عويل و صراخ الناس ، انتبهت فجأة و أحسست بالفزع و التوتر ، تحركت من مكاني و ركضت مع الراكضين إلي أي مكان بعيد كي لا يدهسني أي شيء ، ثم فجأة هبت رياح شديدة ، اشتدت أكثر لكي تصبح رياح هوجاء تعصف بكل شئ ، القمامات و التراب و الناس ، توقفت عن الركض ..شعرت بأن من الحماقة الركض وسط هذه العاصفة ..و بأنني في أمان ، ثبّت قدميّ في مكاني ، أخذت أنظر في بلاهة إلي المتطايرين من حولي كأوراق شجر، لم يصطدم بي أحد ،رأيت الفزع الحقيقي في وجوههم ، كان صراخهم يغطي صوت الريح
غمرني إحساس بالراحة
بالطبع اندهشت من هذا الإحساس الذي انتابني في الحلم بعد ما أفقت ،لماذا شعرت بالراحة ؟ ..هو كان إحساساً أقرب إلي التشفي ..ممم غريب هذا ، أنا أكره البشر نعم ،و لكن ليس إلي هذا الحد ، أم تري أنني لم أتوقع أنني أكره الناس إلي هذا الحد ؟
اشتريت كتباً كثيرة لتفسير الأحلام ، أعتبرها سخيفة علي أية حال و لكن لا بد لي من قرائتها علي سبيل الفضول
كان هناك كتاباً للأحلام كاد يصيبني بنزيف من سخافته ، في كل تفسير : إذا كنت رجلاً صالحاً فالحلم يعني كذا ..و إذا كنت رجلاً فاسقاً فالحلم يعني كذا
بن سيرين ..همم ..يقول الرياح الشديدة في منطقة تعني فساد أو مصيبة ستعم هذه المنطقة .. كلام لا طائل منه ، لا يعنيني في شيء
لم أعد أنظر في كتب الأحلام ، لا فائدة منها ..لتكن الأحلام عالمي الآخر الملئ بالأحداث
ليس لدي رغبة في النزول للكلية هذا اليوم ..مصروفي بدأ في النفاد..كما أنني سأمرعلي منطقة (...) التي حلمت بها إذا ذهبت إلي الكلية ..من يدري ...ربما سينقلب قطار ما في هذا اليوم

21 comments:

فنجان قهوة said...

اكيد مش واصلة لدرجة كرهك للبشر للحد اللى ممكن تتشفى فيهم
انتى بس حاسة انهم يستاهلوا كده
وده اكيد نابع من تراكمات وخبرات جواكى ناحيتهم
واكيد كلها خبرات زى النيلة
وده اللى بيخليكى دايما مصرة انك تكونى عكسهم فى الحلم لحظة الفزع
وكمان تنبؤك بشئ هايحصل ده بيدل على فقدك للمتعة فى أشياء كتيرة وزهدك الشديد فى حاجات كتير لمجرد انك شايفة نهايتها مسبقا وحاسة ان كل متعة مهما طالت هاتنتهى فى يوم فبلاش منها احسن
فى كمان نظرة واحد عجوز جواكى , بس عجوز حكيم
وأخيرا
اللووووووووووحة معبرة بشكل مجرم

sydalany-وش مكرمش said...

يا ريت تفضلي كده على طول

لمستي المرة دي حتة جوايا قافل عليها و كاتب على بابها حادثة كفر الدوار و ورا الباب مافيش غير الموسيقى الحزينة اللي كانت القناة الخمسة بتعرضها و كلام لضحيتيت مش وقتهم دلوقتي

إستمري

بعد الطوفان والجو شبورة said...

كابوس رائع .. يناسب حالتى الشعورية جداً..

mindonna said...

فنجان قهوة :
انا مش بتكلم عن نفسي يا فنجان ، الرجل الحالم هو اللي بيتكلم مش أنا ، و ده مش معناه برده أن أنا بتكلم عن نفسي بلسانه
هي شخصية تخيلتها و أنا بتوقع ردود فعل الشخصية دي
مش تطبقي الحبة اللي درستيهم في علم النفس عليا :P
بس حلوة نظرة عجوز دي
:)

وش مكرمش :قشطات
هستمر

بعد الطوفان : ياتري هي كابوس و لا رؤيا :)

Ghada said...

أوه، ليه كتبتي المشهد الجميل ده على إنه حلم، ياريت لو كنتي كتبتيه على إنه، قصة قصيرة مستقلة بذاتها، كانت هتبقى فانتازيكية كئيبة رائعة..
المشهد نفسه ليه عدة تفسيرات عميقة.. أنا افتكرتك ف الأول قصداها، لكن طلع حلم

يمكن، ربنا هيثبت أقدامك ف وسط أزمة هتجتاح ناس حواليكي :) أعتقد إنه حلم حلو على أي حال

mindonna said...

مبحبش القصص القصيرة الخيالية اللي ملهاش أحداث
و بعدين إيه ربنا هيثبت اقدامك دي

انتو بتتكلمو عني أنا ليه ، دا مش حلم حقيقي

HERA said...

غمرنى إحساس بالراحة
انتى كده دخلتى فى منطقة تانية خالص
عجبتنى اوى اوى
والحلم ده احلى من اللى قبله على فكرة
من وجهة نظرى
كنتى عملتى الفكرة دى فى بلوج منفصل عشان تاخد مساحتها
والصورة دى معبرة أوى

ماشى الطريق said...

الراجل ده شكله حيغلبنا معله كتير
وربنا يكتر أحلامه

خوليو said...

ربما سينقلب قطار ما فى هذا اليوم
...
تعرفى ان دا واحد من اكثر المشاعر السايدة حاليا . دى حكاية كبيرة وانتى نكشتيها بضربة ريشة سريعة

جميل

أنا said...

غالبا ما استيقظ بعد الاحلام مفكك الذهن والاوصال وبرغم ذلك اصر علي ان كل حلم لي له دلالة ومعني...عالم الاحلام سيظل هو البوابة الذهبية التي انفث فيها عن كافة أثامي وامنياتي التي لا استطيع ان ابوح بها
ولكن ما معني ان يري الانسان نفسه فيروس كمبيوتر يعبث بخلايا عقله هو ..وهو هو ألشاهد الوحيد علي ما نتج من وجهة نظر ذاتيه
أممممممم
أفتكر واضح
أنا حبيت البوست ده قوي

Ahmed Shokeir said...
This comment has been removed by a blog administrator.
Ahmed Shokeir said...

بصي بأه ياميندونا بلا إبن سيرين بلا بتاع شوفي بأه إبن شقير وتفسيره

المنطقة المزدحمة اللي مليانة زبالة دي بتعبر عن بيئة الراجل اللي بيحلم والقطر ده هو الجواز وعربات القطر اللي بتقع هى الخطوبات الفاشلة اللي بيعملها ، أما الناس اللي بتطير دي فهي الفلوس اللي عمال يبعزقها فى الخطوبات والشبكة اللي مش بيعرف ياخدها بعد فسخ الخطوبة
والمصيبة بأه إنه هوه فاكر الناس هي اللى بتطير وهو في امان عشان كده صاحي مبسوط
والنبي قوليله يتغطى كويس

لأ بجد هو الكلام حلو بس كئيب حبتين

إبن شقير لتفسير الأحلام وقراءة الطالع

http://www.uaearab.com/DREAM/home.htm

451 فهرنهايت said...

الواحد بيحب جو الأحلام دة أوي (وان كنت شايف الحلم دة قريب جدا للواقع)
طبيعي جدا انك تتخنق من كتب تفسير الأحلام ... أغلب المتعاملين معاها بيعتبروها رؤية وهاتتحقق بدون شك فيقولك هايحصلك كذا وكذا وكذا ,...
بس أعتقد ان الكابوس الحقيقي هو خوفك من ان الحلم يقلب جد , والقطر ينقلب قدامك زي مافي الحلم ... ياترى هاتشمت في الناس المرة دي؟
عجبني تفسير ترفشخنات ... الكلمة دي هاضيفها لقاموسي
في انتظار المزيد من كوابيسك

451 فهرنهايت said...

الواحد بيحب جو الأحلام دة أوي (وان كنت شايف الحلم دة قريب جدا للواقع)
طبيعي جدا انك تتخنق من كتب تفسير الأحلام ... أغلب المتعاملين معاها بيعتبروها رؤية وهاتتحقق بدون شك فيقولك هايحصلك كذا وكذا وكذا ,...
بس أعتقد ان الكابوس الحقيقي هو خوفك من ان الحلم يقلب جد , والقطر ينقلب قدامك زي مافي الحلم ... ياترى هاتشمت في الناس المرة دي؟
عجبني تفسير ترفشخنات ... الكلمة دي هاضيفها لقاموسي
في انتظار المزيد من كوابيسك

Taher said...

غريب اوى الحلم ده

mindonna said...

هيرا : أنا فكرت في الفكرة دي بس قلت انها مش هتستمر كتير ، يعني مفيش داعي أعملها مدونة
.......
ماشي الطريق : ماشي الطريق
.......
خوليو :شكرا علي وجهة نظرك :)
......
أنا : أعتقد انا برده ان الأحلام دايما ليها نفسيراتها ،و غالبا صاحب الحلم هو بيكون حاسس بتفسيرها أكتر

أعوذ بالله من كلمة أنا يا يحي :)

........
شقير : خلاص هقولك شقير بعد كده بلاش شوكير :)
بس يخربيشك فطستني من الضحك
هي دي التفسيرات و لا بلاش ;)
شكرا علي لينك الموقع
........
فهرنهايت 451 :هو أعتقد كان هيشمت برده لو كانت الحادثة حقيقيةرد فعله هيبقي علي طريقة (عليّ و علي أعدائي )هو كد كده ناقم علي نفسه و علي البشر
.........
طاهر : مش كده برده :)

الكناوي said...

هو البنات الحلوة زيك بتجلهم كوابيس زينا ولا إيه؟

mindonna said...

كناوي هذا ليس بحلمي ، هو حلم الرجل الحالم المخبول

بس أعتبر كلامك معاكسة ؟ :)

الدنيا علمتنى said...

للأحلام وقع ساحر على النفس
جميلة كتاباتك يا ميندونا

mindonna said...

شكرا جزيلا :)

el7osiny said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير