Saturday, April 29, 2006

فرج في حياتي


كنت أتحدث مع ( هـ ) عن أحداث الإعتقالات التي وقعت منذ وقت قريب ، و خاصة عن المدونين الذين أعتقلوا ، حاولت تخيل المعاناة التي يلاقونها هناك .. المعاناة .. المعاناة .. ظللت أتخيل و لكن خيالي لم يسعفني ، ربما لتجربتي المنعدمة تقريبا بهذا الصدد ، أو ربما لأن المعاناة موجودة في كلتا الحالتين سواء بالسجن أو بالخارج ـ و إن كانت بدرجات متفاوتة ـ فاختلط الأمر
قلت له علي سبيل التهريج ـ و لكن فيه بعض من الجدية ـ بأنهم بذلك ربما سينجون من الإمتحانات هذا العام ، و أنني أحسدهم قليلا علي ذلك ـ بالطبع لم يُضحك الأمر (هـ ) ـ و تخيلت إذا كنت أنا التي سجنت ، قلت و لم لا ؟ سأخوض تجربة جديدة و أري أناس جدد ، و حياة أخري تكون ( وراء الشمس ) علي حد قولهم ، هنا نبهني (هـ )المخضرم عن إحتمالات ما يمكن حدوثه داخل المعتقل ، فذكرني بسعاد حسني في فيلم ( الكرنك ) ، فتذكرت (فرج ) العتيد بكرشه المتين و رائحته الزنخة (و ما أدراني برائحته ؟ )
اه ... لقد نسيت هذا الجزء تماماً ، فعلاً يمكن أن يحدث لي شيء كهذا ...بل غالباً سيحدث إذا سجنت ، و خاصة إذا كنت من مسجوني المعارضة
انتهي الحديث .. و لكنني ظللت أفكر في الأمر برهة .. هناك خطب ما .. و هو أن رد فعلي تجاه موضوع ( فرج ) ليس بالأمر المهول ...و لم يكون مهولا؟ إنها مصيبة مثل كل المصائب ، تحدث لأي إنسان ، و خاصة لو كانت خارجة عن إرادة المرء
و لكن ألن يصيبني صدمة عصبية ما ؟ أو إكتئاب مزمن .. ممم .. الإجابة لا .. غريب هذا ، و لكن لماذا ؟ .. لأن إحساس الموت اليومي و الرتابة خلق في نفسي نوعاً من الإنفصال .. الإنفصال عما يحيط بي ( السرحان باختصار ) و هذا غير مفيد غالباً بل و مؤلم في أحيان كثيرة ، و لكنها تفيدني في المواقف الصعبة ( عند طبيب الأسنان مثلا ) فبالتأكيد هذا النوع من السرحان سيفيدني في مثل هذه المواقف
نقطة أخري أكدت لي أنه ـ فرج ـ ليس بالشيء المفزع ، فبشكل ما ألاقيه في كل مكان تقريباً ، لا أدري و لكنني أكاد أشعر به متربصاً بي (و أحيانا بما حولي) .. في قاعات المحاضرات ، في الشارع ، في محل ، في البيت وسط العائلة المبجلة .. لا مهرب من فرج العتيد علي ما يبدو
إذا ما الفرق ؟ .. ليس بالكثير كما ترون ... الكرامة مهدرة علي أية حال

18 comments:

HIMZELF! said...

عارفة لما يبقي في عيل صغير كل يوم العيال في الشارع يتلموا علية ويضربوة
ممكن يتعود, خلاص بقي ياخد علي قفاة ويمشي, مفيش كرامة,ومفيش فايدة فيهم انهم يبطلوا يضربوة أو انه يحاول يرد عليهم

بس اكيد في احساس دفين بالانتفام
!

هوميروس said...

علي فكرة حالة السرحان اللي انتي بتقولي عليها مش عندك لوحدك انما انا بسميها لامبالاة,بلادة ,تنبلة حاجة زي كده عرفت الحكاية دي من ردود افعالي الضئيلة الباردة علي حاجات كتير بتحصل سواء شخصية او عامة الحالة دي عاملة زي اللي بيوصلوا لها اللي بيشربوا الحشيش لمدة سنين طويلق(في العقاقير الكلام ده) احنا بقي بنشرب المر والنيلة
عشان مطولش واحصل اخوانا المدونين اللي اتسجنوا متقلقيش زي ما في فرج في نور الشريف ممكن يقر عشان خاطرك بحاجة معملهاش
يلا ياستي اي خناقة

شريف محمد said...

على فكرة ... فرج دة مش أخصائي سيدات بس... لأ رجالة كمان
حكاية السرحان والاحساس دول بقة موال اّخر
في زمن ما مضى ... كنا جميعا أكثر احساسا وأغنى شعورا من الاّن ... بس كتر الاّلام خلانا نشيل فيش الاحساس فيشة فيشة ... امتى اّخر مرة بكينا بنبل؟
مش فاكر ... من عهود سحيقة
وعندما ننزع اّخر فيشة في اّخر احساس نملكه ... ماعادش فاضل بعدها غير اننا نقفل الباور ... وننام
وغدا يوم اّخر بلا مشاعر
شكرا سيدي النظام
فلم أعد أبكي الاّن

abderrahman said...

451 فهرنهايت.. بتفق معاه جدا إن فرج ده مش مضايق البنات بس.. ممكن مديرك يبقى فرج، سواق مكروباص، مندوب شرطة يثبتك ويقلبك..

هذه هي دولة فرج .

كمنجاتي said...

فرج....فرج....فرج؛تخيلى ممكن اكون انا وانتى وكل الناس اللى نعرافهم فرج بس ما حش واخد باله مثلا انا لما أشوف الغلط واسكت عليه ابقى فرج من نوع آخر؛لما أطلع فى الانتخابات وادى صوتى لواحد ابن ......ابقى برده فرج ؛وكمان لو انا رضيت بواقع فرج وماحولتش اغيره أبقى فرج....فرج موجود فى حايتنا بس إحنا ما بنخدش بالنا منه وممكن يكون فى نفس السرير بس إحنا مش شايفينه

Ahmed Shokeir said...

أيوه ياجماعة بس فرج ماكنش بيعمل كده بمزاجه ده كان بيتلقى الأوامر .. يعني ممكن ياحرااام في نص الشغلانة يقولوا له كفاية كده يافرج ؟

شفتوا تعذيب لفرج أكتر من كده

Anonymous said...

عليا الحرنكش ياريس مبارك
فى عصر مزركش ملون بنارك
لابايعك وابايع حكومة حمارك
ملعون ابو اللى يقدر يقاطع قرارك
نهاره مقندل وليله مبارك
فهمبك وهجص وطلع فى ديننا
اكيد هو طالع يشاهد جمالك
جمالك مبارك سوزانك سوزاننا
يامحلا حصارك لمصر اللى جالنا
نسيمها فى عصرك بيشوى فى بدننا
اؤيد وابايع فخامة جلالتك
وايد اى واحد بيمسح ريالتك
ولانك سر باتع هاننسى هبالتك
فاقعد ياريس ودلدل حمامتك
حمامة السلام حمامتك ياريس
سلامة الحمامة وسلامتك ياريس
على تل مصر ياريتك تهيص
خرابه فسيحة عليها تمتيس
واامر تطاع فشعبك مفيص

احمد فؤاد نجم

mindonna said...

أنيمال : أيوه أكيد في إحساس دفين بالإنتقام و العدوانية
و ده اللي بنشوفه دلوقتي

هوميروس : أيوه هي حالة اللامبالاة دي هي اللي عندي
باين انها بقت شائعة إلي حد ما
عشان كده مش هلاقي نور الشريف :)

فهرنهايت 451 : مانا فعلا كنت بقصد ان فرج موجود ف حياتنا عموما رجالا و نساء
ياريت نقدر نحتفظ حتي بإحساس الغضب و إن كنا فقدنا القدرة علي البكاء

أبو باشا : هذه هي دولة فرج فعلا :)

كمانجه : و الله كلام سليم ، ممكن بشكل ما بنكون احنا بنلعب دور فرج علي ناس تانية ، هو فعلا ممكن تلاقيه ف سريرك ، عشان كده فقدت الإحساس بالأمان حتي ف البيت :)

شوكير : قطعت قلبي فعلا يا حغااام
صعبان عليا فرج :)

شغف : تحياتك لفرج ليه بس
يعني ما وراء الشمس تعبير مجازي لإنك تكوني محبوسة ف عالم آخر
بس لا بأس

الأخ الأنونيموس : قريت القصيدة دي قبل كده
شكرا علي نقلها هنا :)

أحمد said...

جميل جدا انك وصلتى لهذه النتيجة لوحدك
فعلا عملية الاغتصاب او التحرش و الحاجات دى
مش كارثة زى ما الاعلام بيصورها

الشرخ نفسي مش بيقعد اكتر من بتاع شهر
و بعد كدا بتلاقي الحياة استمرت عادى جدا

mindonna said...

أحمد :هو رد فعل الفتيات ناحية الإعتداء و التحرش متفاوتة و نسبية ، بتختلف حسب طريقة تفكير البنت أو ثقافتها أو البيئة اللي عايشة فيها

ممكن واحدة متتأثرش بالصورة و تقدر تعدي الأزمة .. و ممكن واحدة تانية تحس ان العار ركبها إلي الأبد و تفضل فاكرة الحادثة و شخصيتها تتحول علي طريقة ما قبل و بعد
فانا بتكلم في البوست عموما عن حالة فردية ، مش هقدر أعممها علي الستات

manosh said...

www.halawes-x.blogspot.com
ن الثقافة الجنسية

قبل الطوفان said...

شرخ المهانة والإكراه هو الأخطر..
فالكرامة ليست ترفاً والكبرياء -كالهواء والماء- حق للجميع.. حتى وإن كانت دولة الفوضى هي السائدة
القصد من التعذيب والإيذاء النفسي والجسدي هو فرض حالة انكسار
لكن الإرادة القوية تضمد جراح الكبرياء وتنهض من رمادها كالعنقاء.. لتنفذ القصاص العادل في رموز وأتباع سياسة "اكسر للمواطن ضلع.. ينبت له أربعة وعشرون"
أحسنت

غادة الكاميليا said...

فرج باشا مسك البلد خلاص
ده الباشا الكبير فرج وابن الباشا فرج واصحاب الباشا فرج .. الدوله مسكها فرج
تعرفوا أنا واحده صاحبتي كلمتني مرة وهي زعلانه أوي من تصرف البنات اللي بيرموا نفسهم بإديهم عند فرج (وقالت)حرام عليهم أهاليهم بس أنا مش عارفه على الرغم من أني عندي شجاعه أني أقتل فرج ده لكني ف نفس اللحظه بخاف أشوفه ربنا يخده ويخلصنا بقى

mindonna said...

هلاويس : متشكرة بس هو ليه للأزواج بس ؟؟ :)

ياسر : أهلا بيك هنا :)

غادة الكاميليا : آمين يا جميل

Anonymous said...

Interesting website with a lot of resources and detailed explanations.
»

Anonymous said...

Looking for information and found it at this great site...
» »

Anonymous said...

Cool blog, interesting information... Keep it UP » » »

Anonymous said...

best regards, nice info Ionamin health hazzards Sexo amateur mexico Accutane sideeffects Cialis 2bdrug Abusing xanax Women use viagra pregnant pussy Celebrex searle caguas