Saturday, May 27, 2006

دعوة من الجميل ميشيل حنا و من الأمورة غادة و من الباشا هوميروس للتفكير في ماهي الأشياء التي تسعدك
همممم
ـ لما أتفرج علي فيلم حلو أو أقرا كتاب حلو
ـ لما أكون في مكان ظريف مع الصحبة الظريفة
ـ لما أسافر
ـ لما بلاقي جو عام من الفرح في أي مكان
ـ لما أكون رسمت رسمة تعجبني
ـ لما ألاقي أمي بشوشة و بتضحك في وشي
ـ لما أقعد في البلكونة ف آخر الليل
ـ لما ألاقي طفل أمور خدوده مكلبظة
ـ لما أرجع البيت و محدش يسألني كنت فين .. بضايق من السؤال ده جدا
ـ لو شربت فنجان قهوة أو شاي بمزاج حلو
ـ لما ألاقي كتاب كنت بدور عليه من زمان بالصدفة .. سواء ف البيت أو ف مكان بيع كتب
ـ لما يجيلي إحساس بأن الدنيا ليست بهذا السوء أحيانا
ـ المدونات
بس كده حلو خالص

14 comments:

Anonymous said...

يا خبرررررررر
كل الحاجات ديه؟؟

Anonymous said...

وانا يا بت؟
انا رحت فين؟

Unknown said...

جميل كده اوى اوى ;))

Ahmed Rashwan said...

بسيط وإنساني في آن واحد يا ميندونا
أسعدني أن الإجابة على التاج أو التقريجة كما أسميها كشف أشياء كثيرة بسيطة تسعدنا وكشف أيضا عن أشياء نفتقدها مثل وجود هامش بسيط من الحرية متمثلة في رغبتك الرجوع إلى البيت دون السؤال المعتاد

mindonna said...

يحي : شفت بقي ؟ :)

فنجان : يا جمييييل
انت اللي ف القلب دايما ;)

مويا : منورة مويا :)

فيلم 69 : أي و الله
الإنسان مش قدامه غير اللفتات الصغيرة علشان تسعده ..أعتقد حتي المدونين التانيين اللي عملو التاج ده اكتشفو الحكاية دي

أبوشنب said...

كويس

Ghada said...

انتي حلوة أوي

:'(

Ahmed Shokeir said...

أموت وأعرف المكان الظريف والصحبة الظريفة

HERA said...

هممممممممم

لما بتعدى فالبلكونة ف آخر الليل ؟؟؟؟

طيب يا قطة انا عاوزة اكلم تانت فى موضوع مهم

mindonna said...

ابو شنب : كويسون :)

غادة : الله يخليك يا غادة :)

شوكير : مش تفهمني غلط لووو سمحت :)

انا أخري ف مكان ظريف مع صحابي الحلوين

هيرا : أخ .. دي أخرة السحوبية ؟
:$

..:::MiMo32:::.. said...

أيه هيا السعادة ؟؟
السعادة: انك تلاقي أنسان يشاركك حياتك بكل مافيها و يقبلك بكل ما فيك و تقبله بكل ما فيه وتشاركه حياته بكل ما فيها ن الانسان ده تلاقيه معاك في فرحك و حزنك انك تلاقيه دوما حوليك مالي عليك دنيتك
ساعتها لن تجد ما يجعلك سعيدا اكثر من هذا و لن تجد ما يدخل الى قلبك البهجة و السرور

و انا شايف برده ان السعادة تيجي من انك تحب الخير لكل الناس بدون اي استثنائات

و السعادة تيجي من الرضى و القناعة انك ترضى و تقنع بكل ما يكتبه الله لك

و شايف ان السعادة تيجي لما تبقى نايم على رملة البحر الساعة اتنين الفجر و القمر بدر و مفيش حاجه بتلف في بالك غير انك سبت كل الناس و هما مبسوطين و بخير

الساعادة ممكن تيجي من انك تسعاد واحد و تسعدة و تشتريلة السعادة بالفلوس

حجات كتيرة ممكن تسعد الانسان و تدخل الى قلبه البهجة و تغمره في راحة البال
ولاكن التعاسة ان لا تجد اي شيء تفعله سوا شيئا يحزنك
ان لا تجد شيئا تتذكره سوا اللحظات السيئة و السوداء في حياتك
ان لا تجد احدا تخاطبه سوا من جرحوك و خدعوك و غدروا بك و خذلوك

تقبلوا مني فائق الاحترام و جزيل الشكر
سليمان محمد

عوليس said...

انا كمان ببقى مبسوط لما بشوف ليكى رسمه جديده

mindonna said...

ميمو 32 : فهمت وجهة نظرك عن السعادة
عش سعيدا :)

عوليس : أسعدتني و الله ، ممكن قريب أنشر رسمة بإذن الرب :)

نفرتيتي : أعتقد البساطة ليها جمالها الخاص
أهلا بيكي ;)

Mai Kamel said...

بسيطة اوى وجميلة اوى وانا بموت في العفوية..
اعجبتني مدونتك