Tuesday, September 06, 2005


داء التفاؤل



دائما كنت أقول لنفسي أن التفاؤل هو ضرب من السذاجة المثيرة للاشفاق
و لكن في هذه الأيام-للأسف-أصابني داء التفاؤل ،و جال بخاطري أن مصر ربما تكون في طريقها إلي التغيير فعلا
أتخيل مصر بعد إطاحة حسني مبارك عن الحكم ، ومحاكمة جميع المنتفعين من أذيال الفساد في البلد في الماضي، و تبدأ فترة نقاهة طويلة و لكن يتضمنها الكثير من الأمل و أيدي الشباب الآملة و التي أهدر الكثيرمنها طوال هذه السنين الطويلة بسبب القمع و الظلم
أحلم بذلك كله .....وأنا أتوقع حدوث ذلك فعلا
و أفيق من هذا الحلم و يغمرني الشعور بالاشفاق علي عقلي الساذج و بالحسرة علي هذا البلد المكلوم
~~~~

سأل محمود سعد أيمن نور في (البيت بيتك ) ما غرضه بالضبط من ترشيح نفسه لمنصب الرياسة
قال بما معناه : بالطبع من أجل مصلحة الشعب و البلد و الأمل في غد أفضل الخ الخ
و لكن قاطعه محمود - ببجاحة السحلية لما تبجح-قائلا : ألا يدخل فيها القليل من المصلحة الشخصية ؟
بهت أيمن قليلا ثم قال : اه ،..... حب النجاح طبعا شيء مهم !!
ثم قال مستطردا: الناس بتسألني دايما كل دقيقة نفس السؤال ، هو في انتخابات بجد و لا لأ ؟ و أنا بصراحة مبعرفش أجاوب عليهم
فيرد عليه محمود ( بخباثة العرسة): لييه كده ، انت بتحبط الناس بالطريقة دي ! طب انت مش مصدق ان في انتخابات حقيقية ؟
يرد أيمن نور بنظرة زائغة معدومة الحيلة : اه ، مصدق طبعا !


نهارك زي وشك ، هو انت كمان مش متأكد اذا كان في انتخابات حقيقية و لا ؟ أمال ميين اللي متأكد من الهبل اللي بيحصل ده !؟
أمال ايه الثقة اللي بتفط من الجرنان بتاعكو ده !!؟علي غرار ( مبارك ......خلاص ) (أيمن نور يفوز في استفتاءات في منتديات الشباب ) (أقباط المهجر يؤيدون نور ) الخ الخ
صحيح مين هيتاكد من أي حاجة ، الله وحده اللي عالم بكل شيء
يعني مش أنا بس اللي بعاني من داء التفاؤل ...........الحمد لله
من يدري ، ربما حسني-و لا نقول الحاشية اللي حواليه ؟- أيضا يجلس الآن في قلق من نتائج الانتخابات و ما يمكن أن يحدث فيها من مفاجآت
وعموما أنا و أصدقائي، نؤمن بأن مناجاة الشيء يساعدك علي الحصول عليه ( مكانش حد غلب ) و لذلك نجعجع بصوتنا قائلين :
مبارك سيسقط
نور هياخدها
البلد هتتصلح
هتتصلح
هتتصلااااح
و نكتشف بأننا أصبحنا مثل الأطفال البلهاء الذين يمرحون في الروضة , ولكن نظل نردد الكثير من الجمل المتفائلة
أنصح الأشخاص الآخرين بترديدها ، فهي علي أية حال تجلب نوعا من الفرح لا أجدها إلا بصعوبة بعد تنقيب طويل
و سنذهب غدا للتصويت كنوع من الامتداد لداء التفاؤل

و يا عيني عليكي يا بلد .... ياللي واكلينك ولعة


5 comments:

Ahmed Shokeir said...

أول واحده اشوفها متفائله

سألوا حسين عبد الرازق بتاع حزب التجمع قالولوه ليه قاطعتوا الإنتخابات مش كان زمانكوا الأن وضعكوا مختلف ..؟؟

قالهم أجاوبكم يوم 9 سبتمبر عشان تقتنعوا إن إحنا كنا صح

لـيـلـيـت said...

حلوة نظرة معدومة الحيلة دى

mindonna said...

للأسف يا شوكير
المصريين فيهم عادة حلوة جدا
بيستنوا الفرج لغايت ما ييجي تحت رجليهم
و بيحبوا التواكل أوي ، و إلقاء اللوم علي الغير و الزمن
لكن من نفسهم يعملوا حاجة ، لأ مفيش
ليه أعضاء الأحزاب الأجلاء دول ميعملوش خطوة في حياتهم و يحركوا الجتت اللي اتحنطت من كتر القعدة دي
حتي ربنا بيقول (إن الله لا يغير ما بقوم حتي يغيروا مابأنفسهم )يعني طول ما احنا تنابلة بتتكلم من غير ما تعمل حاجة،عمر ما حاجة هتحصل ، و هتحصل منين
يبقي عليه العوض ، و نستاهل اللي يجرا في مصر بعد كده
ّّ~~~~~
شكرا يا ليليت،انتي فعلا باين عليكي مهتمة بالأدبيات ، لازم تجربي تكتبي أي عمل أدبي:)

Nour said...

أنا برضه منتمية لحزب المتفائلين الصراحة

مش شايفة إن ده غلط ولا هبل

لأن ببساطة.. حالة اليأس اللي الناس وصلتلها..دي معمولة بالعنية.. و إحنا أما نستسلم لها كده بدون أي أمل في المستقبل

نبقى بنحقق لهم اللي هما عايزينه..ماهو إحنا كدة يبقى مش هنتغير ولا بعد 100 سنة

أنا متفائلة ليه؟
لأن و أنا رايحة أنتخب إمبارح لأول مرة شفت ناس قدي و أصغر مني كمان.. مواليد 84 و 85 و 86 و رايحين و جايين و مصرين يدوروا على أساميهم في الكشوفات عشان ينتخبوا

يمكن معظمهم في الآخر ميكونش إنتخب

بس أكيد أكيد الانتخابات الجاية إن شاء الله هيكون ليهم دور قوي.. و يا أخوانا ماحنا برضه أكيد مكوناش متوقعين الانتخابات تبقى 100% صحيحة من أول مرة

المرة دي في تجاوزات لأن الناس حتى مكنتش فاهمة تروح تنتخب بإيه أصلا.. بس الناس ابتدت تحس ان صوتها ممكن يفرق.. و بكدة هيبتدوا يدوروا على حقوق كتيرة قوي ليهم كانو نسيوها من زمان..

يمكن الكلام ده يكون متفائل زيادة بالنسبة لناس كتير.. بس بجد إحنا أكتر حاجة محتاجنلها جرعة تفاؤل في اليومين الجايين دول

عشان بجد نقدر نفكر في اي نوع من التغيير بقى..

-----------
و تعليقا على كلام بتاع حزب التجمع

طب ما أنا و آلاف غيري راحوا ينتخبوا ناس غير مبارك و هما متأكدين إن مبارك كسبان.. الفرق إيه؟؟ الفرق إن إحنا الحمد لله مقعدناش سلبيين و نتحسر عاللي راح و اللي جاي بدون أي محاولة *حتى لو كنا واثقين من فشلها*..ياللا و عالعموم إن غدا لناظره قريب..

el7osiny said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير