Monday, September 19, 2005

الجوافة والوحدة...وماما


سلام عليكم

من أكثر الفواكه التي أحبها هي الجوافة......

ففي كل عام تأتي فترة من فترات السنة أشتم فيها رائحة الجوافة من أي (فكهاني ) في الطريق ،حينها أقول :

-اااه ، موسم الجوافة جِه !!

وبما أن عائلتي الكريمة لا تحب الجوافة ، فغالبا أشتريها من ميزانيتي (الكحيانة دائما ) ، و لكن أقل كمية ممكنة حتي آكلها لوحدي

-هو أنا هصرف عليهم كمان ؟

أحيانا أستعجب من حبي المفرط للجوافة ،حتي أنه من الممكن أن أقضي يوما ًكاملا تقريبا ًلا آكل فيه إلا الجوافة و لا أشعر بأي غضاضة في الأمر، وأظل أتأمل في لونها و شكلها،وآخذ لها مقطع عرضي (وترتيب البذور بتبقي زيّ الزهرة)

و هنا طرأ لي تفسير بدا لي مقنعا إلي حد ما
سألت أمي :
- ماما ، هو انتي كنتي بتتوحّمي علي الجوافة لما كنتي حامل فيّا ؟
تجاهلتني في أول الأمر، ربما من فرط غباء السؤال ،ولكني ألححت عليها في طلب الإجابة فقالت لي:
- لا يا حبيبتي ،اشمعني ؟
- لا يعني ...عشان أنا بموت في الجوافة
كانت أمي حاملاً في ّحينما كانت في اليابان ، و بما أن فاكهة الجوافة غير شائعة هناك فربما كانت أمي حينما انتابها الحاجة إلي هذه الفاكهة لم تستطع الحصول عليها
- أكيد انتي مش فاكرة يا ماما ، صح ؟
- .......(غيظ مكتوم )

ظاهرة التوحُّم ربما ظاهرة شعبية شائعة تنتاب للسيدات الحوامل ، وبما أن هذه الفكرة قد استهلكت في معظم الأفلام و المسلسلات ربما أصبحت مبتذلة نوعاً
لكن مهلاً، لقد قرأت في مجلة ما (هل كانت مجلة؟) أن الحالة النفسية لسيدات الحوامل قد تنتقل إلي الجنين الذي تحمله السيدة
يقال حتي أن جين الإكتئاب قد ينتقل بنسبة 70% ( لا دي قريتها في مجلة فعلا )
وهذا يعني أن الجنين يتفاعل بشكل ما مع الأم التي تحمله
و ينصح الأطباء الحوامل بالتواصل مع الجنين و الحديث معه لأن الجنين يصدر رد فعل من هذا الحديث

إذا فالحالة النفسية للأم يمكن أن تنتقل ببساطة إلي الجنين بل و يشعر بها

- طب ماما ، احكيلي عن ظروفك كده لمّا كنتي حامل فيّا
- .......كان أبوكي مشغول عشان كان بيحضّر الدكتوراة بتاعته ، و كنت لوحدي دايما
- (إخْص علي كده ) طيب ظروف الولادة كانت عاملة ازاي ؟
- لا الولادة كانت طبيعية ، هاهاها،فكرتيني و الله ، يوميها رحت المستشفي لوحدي، لما حسّيت إنه آن الأوان قمت لمّة شوية الهدوم ورحت المستشفي
- يا نهاري!، أمّال جوزك كان فين ساعتها ؟
- كان مشغول....كان بيحضّر الدكتوراة بقي
في الحقيقة غمرني إحساس ما بالحزن علي أمي
فكل امرأة حينما تصبح حاملا ، تحتاج غالباً إلي الصُحبة و المساندة و إلي أن تكون محاطة بذويها سواء من أم و أخوات (أو أي نيلة)
-عشان كده بقيييي
-إيه ؟ تقصدي إيه ؟
-لا ، ولا حاجة يا جميلة......
.................

أمن أجل هذا السبب...
يأكلني الإحساس بالوحدة دائما ؟.....



(أيتها السيدات الحوامل(أو من سيكوننّ كذلك) ،
حذار من الإكتئاب
من أجل مستقبل أولادكن )
(فنحن معا نرعاكنَّ )




14 comments:

ميشيل حنا said...

أنا أحب الكمثرى أكثر. خاصة صوتها وهي تُقضم كأنها قطعة خشب تنكسر. والأمر لا علاقة له بالتوحّم!!

Pianist said...

ميندوننا يمكناكون بطئ الفهم حبتين بس انا مش عارف اربط ما بين الجوافة وحبك ليها ووحم والدتك وما بين الاكتئاب والحالة النفسية التي قد تنقل الي الجنين
وبعدين انا برضه ماوصلتش لحاجة في الاخر
بس اسلوبك لذيذ

mindonna said...

ميشيل :أنا برده بحب الكمثري و لكن الجوافة متربعة في القمة:)


بيانست : شكرا علي مدحك
بس هو التوحم له علاقة علي أساس ان الأم لمّا تتوحم علي حاجة و متقدرش تحصل عليه بيتولد الطفل و هو حاسس بالحاجة للشيء دا من غير سبب ، و هي ممكن ناس كتير تقول انها فكرة شعبية بس هي طلعت حقيقة علمية
أن الحالة النفسية للست الحامل ممكن يتنقل للجنين

فيعني أنا بفسر أنه جايز احساس الغربة اتنقلي نظرا لأن أمي كانت حامل فيا في الغربة:)
ممكن تعتبرها استنتاج ساذج بس أنا أعتقد انه احتمال وارد لأن كل ماهو يؤثر علي الأم يؤثر علي الجنين أيضا
)سواء في الأدوية التي تتعاطاهاأو الدخان أو الخمر
اذا فلم لا نفترض أن هناك مؤثرات نفسية للجنين مثلما هناك مؤثرات مادية؟

جرّب انت كمان تسأل والدتك علي ظروف حملها فيك:)

Ghada said...

موضوعك لذيذ أوي يا مايندونا، وعلى عكس بيانيت أنا عاجبني سلاسة النقلات من توبيك للتاني وارتباطهم ببعض رغم كونهم مواضيع منفصلة

أنا ماما وهي حامل فيا ركبت قطر الموت ف الملاهي.... يعني ممكن ده يكون له علاقة بشخصيتي دلوقت؟

أما الجوافة، فمبحبهاش أوي بصراحه... ومش فاهمه ايه سر ولعك بيها :p

لـيـلـيـت said...

أنا كل اللى أعرفه إن أمى خلت واحدة
صاحبتها لسه فى 5 أو 6 طب .. تولدها
ما كانتش خايفة عليا
عارفة أنها جايبة راااااااااااااااجل
:P
وأما عن ظروف الحمل .. فالست والدتى كانت لسه فى الكلية

لـيـلـيـت said...

وبننصح كل الأخوة المواطنين
إنهم يسمعوا كلام الست كريمة
واوعى يا شابة تنسى الحبة
........
وبصراحة انا ما كدبتش خبر ميشيل
نزلت جبت كمترى على طول

sydalany-وش مكرمش said...

طب الحمد لله إنها ما طلبتش معاكي بمانجة كان حيبقى خراب بيوت

أنا بقى مدمن شيكولاتة
و أقدر بلا فخر أميز الكويس من الوحش بمجرد ريحتها و لونها
بس الحمد لله أقلعت نسبيا بقالي سنة و شوية لإن كان يوميا مش أقل من إتنين جنيه ممكن أكتر شيكولاتة كادبوري

يووووه الداء الطفولي اللي عندي خلاني أتكلم عن نفسي و عن الحاجة اللي بحبها

أسيبك للجوافة

Pianist said...

هاهاها
انا سألتها وكانت مأساه يمكن عشان كده انا طلعت انسان غير سوي
علي العموم يعني كده الامور وضحت شوية

mindonna said...

ياه كويس يعني الموضوع طلع مش كلام فارغ
شكرا يا بيانست :)

Ahmed Shokeir said...

سألتها .. قالتلى بلا نيله
كنت عايزه أضرب واحد كشرى مخصوص

الخوف لا تكون عايزه كماله

AZ said...

انا امى ماتوحمتش اساسا ويمكن ده بيفسر انى مابحبش اى حاجه...ز براويه يعنى :)

mindonna said...

شكرا لكل من ساهموا و تطوعوا في اعترافات ماقبل الولادة
:)

el7osiny said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

el7osiny said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير