Friday, October 07, 2005



رمضان قد أتي بإطلالته الجميلة

لا أقصد هنا بكلمة الإطلالة الفوانيس المعلقة ، و لا الزينات المدلاة من شرفات و ( بلكونات)البيوت ، و لا أغاني رمضان التي تصدح بها أجهزة (الردايو)و(التليفزيون)


فحينما يُقدم رمضان بإطلالته ، يشمل الهدوء و السكينة كل شيء ، بالرغم من ضجيج الناس و الطرقات ، و يحتفل الكون كله بهذا الشهر الكريم

وفي رمضان لا أشعر بالحزن و الكآبة مثلما أشعر في الشهور الأخري من السنة ، كأن الشقاء قد حظي بأجازته الخفيفة فلا يكون في رمضان إلا امتدادات (الشقاء و العذاب ) و التي تجيء من البشر فقط دون الشياطين ، لأنها هي أيضا في أجازة .. إجبارية
تصدح السماوات ليلاً بأعذب الكلمات القرآنية و الأدعية من كل مكان لتتحول إلي طاقة من السكون البهي
يا ليالي رمضان الساكنة ، تُغلق فيك أبواب الجحيم و تفتح فيك أبواب الجنة لتعطي قبساً منها لهذه البقعة الشقية من الكون

جمال رمضان ليس بكل هذا الضجيج من زينات و أغاني،و ربما لذلك تكون إطلالتها ممتدة في كل مكان

فهنيئاً أيها البشر بهذا الشهر .... وقد خسر من لم يسترق من لحظاتها الجميلة شيئاً

23 comments:

rayhane najib said...

سلام
رمضان كريم
لا اعرف لكن رمضان كان ولا يزال مرادفا بالنسبة لي للمطالعة

Pianist said...

مش عارف انا رمضان بالنسبة لي مافيهوش اي اختلاف عن اي شهر تاني عادي يعني
الاختلاف الوحيد اني مش باكل ومش باشرب وانا جعان وهاموت علي سجارة
في اختلاف كمان
اني ممكن افطر بره في الشارع فطار جامد
بس

ميشيل حنا said...

كل سنة وات طيبة.
:)

mindonna said...

نجيب : مرحباً بك يا ريحان:)
أنا أيضا أعتقد أن رمضان مرادفا للمطالعة بالنسبة لي ، حيث تكون فرصة سانحة للتوغل و التفقه في الدين أكثر

بيانست : طب بجد يا بيانست كويس انك بتصوم ، أنا افتكرتك مش بتصوم يا رجل
أوعي مش تصوم :)
ماهو المشكلة ان الصيام مش بالأكل و الشرب بس، في صيام عن أشياء تانية كتير
يعني هو عبارة تدريب للإنسان من أجل أن يكون أكثر انسانية
كييب أون

mindonna said...

ميشيل كل سنة و انت طيب يا جمييل :)

Ahmed Shokeir said...

كل اللى ماكنتيش تعنيه برمضان هو بالنسبه لى أساس رمضان .. الفوانيس والزينات وأغانى رمضان ..
ده بالإضافه للى ذكرتيه من الكلمات القرانيه والأدعيه

mindonna said...
This comment has been removed by a blog administrator.
KING TOOOT said...

برغم أن الصوم متعب و شىء مفروض
و رغم أنى كسول و بأكره المجهود
مع كل ده رمضان بيجى بأستعجب
علشان فى عز الجوع و تعَـبى بأكون مبسوط
و عـجـبـى
KING TOOOT

KING TOOOT said...

الحق بين الناس ضايع حداشر شهر
و الثانية طول العام بتعدى زى الدهر
لكن فيه شهر واحد بيفوت علينا عزيز
و كأننا عطشان ,, فجأة أتخلق له نهر
و عـجـبـى
KING TOOOT

KING TOOOT said...

رمضان كريم يا اسيادنا , صوم و عبادة
و صلاة و ذكر و عمرة و شمعة منقادة
مش رقص و أستهبال و فن هلس فى هلس
و مسلسلات و برامج أفكارها متعادة
و عـجـبـى
KING TOOOT

mindonna said...

شوكيير أعتقد ان توت قال اللي كنت عايزة أقوله

متشنكرين:)

خجل said...

pianist:شرب الشاي مش حرام في الصيام عشان تصوم بتركيز ..اما بالنسبه للسيجار فهي برده مش حرام عشان تصوم بدماغ عاليه

ومازلت اطالب بعدم الصيام لما هم دون العشرين..نظراً لأنهم صغيرين على الصيام
حتى اسألوا الست نعامه

S H E B A K said...

كل سنه و انتى طيبة يا فندم
:-)

Pianist said...

mindonna:
ايوة يا بنتي انا باصوم وبحاول والله اصوم بزمة صحيح ساعات بتفلت في حاجات صغيرة كده لكن عادي يعني
بس حكاية تدريب الانسان عشان يكون اكثر انسانية دي مش داخلة دماغي اصراحة
خجل
وجهة نظرك في الجوووون

mindonna said...

في الجون ايه بس ارحمني يا بيانست
انت بتهذر و لا بتتكلم جد ؟!!

ازاي مش مقتنع بموضوع ان الصيام بيخلي البني آدم أكثر انسانية

شوف أساس الصيام هو الزهد و الزهد أساسه الترفع و الترفع ده من الصفات الإنسانية المميزة

يعني احنا متعودين لما نجوع ناكل و لما نعطش نشرب و هكذا بنشبع الرغبات الجسدية الأخري وقت ماحنا عايزين و دي صفات مشتركة بين الحيوان و الإنسان

الصيام بيدرب الإنسان علي انه يتنزه عن الشهوات دي و لو فترة
اذا دا بيخليه أكثر إنسانية

و لو مش مقتنع لسه يبقي يعني انت مش فاهم غرض الصيام خالص يا بيانست

Taher said...

رمضان كريم

أنا said...

مش عارف بضم صوتي لاحمد شكري كل اللي انت لغتيه من رمضان هو بالنسباللي رمضان...بالصدفة الباحتة لسه سايب بطل روايتي وهو بيفكر في الفرقبين بهجة رمضان زمان الطفولة ورمضان دلوقتي فترة الشباب
عارفه كان ايه الفرق..الفوانيس والزينة والمدافع...لعب الكورة قبل صلاة المغرب..اللمه وقعدة الجدة وحكاويها...الخناق علي مين هيقعد قدام التلفزيون ..حاجات كتيرة قوي
عارفة بطلي مبيحبش رمضان علشان زي مبيقول
"ألدنيا خيرها قل ..حتي رمضان"
لكن انا اقدر اقولك كل حاجة نسبية
مش كده ولا ايه!؟

أنا said...

اما بالنسبة للعزيزة خجل :فونبي يا جماعة لتسبوها البنت دي لذيذة موت
يعني علي اعتبار سللي صيام يا ماندوينا
كمان خجل فكرتني بحاجه مهما ازاي اللي قبلنا كانوا بصوموا؟
وهل الصيام طقس اسلامي؟
هكتب عن ده قريب
بس يارب المغرب تأذن بقه

mindonna said...

عماد : كل سنة و انت بالصحة و السلامة يا فندم :)

طاهر : الله أكرم

يحي مجاهد : يعني الموضوع و ما فيه أنا بتكلم عن انطباعي الشخصي لرمضان
صحيح اللمة و الناس و الأنوار في رمضان بتسيب ذكري حلوة في نفس الواحد
لكن أنا قصدي ان الواحد مفروض لا تلهيه هذه الأشياء لو عايز يعرف جمال رمضان الحقيقي

لكن أنا مش قصدي أقول ان الزينات و
الأنوار ملهاش فايدة مثلا

الصيام أكيد موجود من زمان
(ياأيها الذين آمنوا كتب عليكم الصيام كما كتب علي الذين من قبلكم)
منتظرين شرحك الوافي بصدد ده
:)

أنا said...

انا ايضا كنت اتحدث عن انطباع شخصي جدا لا اكثر
وما قصدته بالحديث عن اصوم لم يكن صيام رمضان فلو كتب طالب بالصف الخامس الابتدائي موضوع انشاء عن ذلك لتحدث وأفاض افضل مني
هناك فرضية تقول ان الاسلام لم يؤتي بجديد فقط هو ساهم في أحياء وترسيخ شعائر كانت موجودة سلفا
وجاري البحث حول تلك الفرضية
::
تحدثت في تعليقك لي عن أهتمامك بالسينما لم لا تحدثينا عن علاقتك بها خاصة وانا في طريقي لأعداد مدونة سينمائية
وتعتبر تلك دعوة لك بالانضمام ان توافر لديك الوقت والمجهود
::
ورمضان كريم

mindonna said...

ما هي الآية دي بتقول ان الإسلام لم يأتي بموضوع الصوم دا علي انه شيء جديد
الأقوام اللي قبلينا كانوا بيصوموا برده ، و الإسلام دا بيكمل بقيت الديانات يعني شعائر الإسلام تقريبا لم تكن جديدة تماما علي أهل الأديان السماوية حينما أنزلت
فقط هي تكملة لأشياء لم تتم

أنا بحب السينما جدا ، و بموت في مجال الإخراج بالذات ، كل ما بشوف فيلم بركز علي الإخراج و الإضاءة و التصوير أكتر من أحداثه :)
بس أنا بعتبر نفسي هاوية ، مش عارفة بس معلوماتي الأكاديمية أكيد حاجاة تكسف يعني :)

Anonymous said...

Looking for information and found it at this great site... » » »

el7osiny said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير