Friday, March 24, 2006

و للحكمة وجوه أخري أحياناً




شاب بيستظرف :

- مش حسّيتي برده ان أنا كنت حسّاس أحيانا ؟
- أيوه مانا كنت بحس ساعات انك مؤدب مع إنك المفروض مش كده
-الأدب مطلوب في قلة الأدب
- نظرية برده
-اكتبيها عندك ياختي جايز تنفعك

***

بنت ظريفة :

- دانتو ناس ذمتكو فانلة
-فانلة سكاي
-هيهيهيهييي
***

كمسري ميكروباص :

الطيب ف الزمن ده بيقولو عليه ضعيف يا ريييييييييس
***

بنت بتتفزلك نوعاً :

-إنتي بتقولي الكلام ده كله ليّا ليه وانا مالي
-ماهو عشان انت متعرفنيش يا عبيط
-طيب بتقوليه ليه ؟
-عشان انت مش هيهمك تعرف الكلام ده و لا لأ .. فبالتالي أكون أنا أشبعت رغبتي ف البوح و ف نفس الوقت تكون انت نسيت اللي أنا قلته
-اه
- فلسفة القطار
-إيه ؟
-لما تكون قاعد في القطر مع حد و انت مسافر ليه بيجيلك رغبة في انك تحكيله علي كل مشاكلك الشخصية ، لأنه ميعرفكش ، و مش هيشوفك تاني بعد كده و مش هيهمو انه يشوفك أصلاً ، و بالتالي ساعة مانتا بتقوله أدق أسرارك هو بيعتبرها قتل ملل لاغير ، و هو ده سر راحتك و انت بتحكي


13 comments:

Anonymous said...

ماشاء الله ماشاء الله
واضح إن الأمور بدأت تتطور عندك يا ميندونا
خلايا مخك فى حالة تطور مستمر
إلى الأمام

shababik said...

خلايا؟.......مخها؟
انتي مش ارتيست بردة طيب
ل>ي>ة المدونة يا ترفشخنات بس ياعني اية دي(ترفشخنات)

هوميروس said...

والله كلام حلو مش استظراف ولا فزلكه
شبابيك:زي ماهو مكتوب في الاول ترفشخنات اختصار (ترهات+افشخنات)بس مش ترهات دي بتاعت غادةهو انتم قرايب
ربنايخليكي لينا يافنجان وتطوري خلايا- مخنا

mindonna said...

فنجان قهوة : مرسي علي ذوقك ولاون مش عارفة دي تريقة و لا مدح

شبابيك : معني ترفشخنات قالهولك السيد هوميروس

هوميروس : مش شرط مدونة تانية تكتب ترهات تبقي قريبتي
هي صاحبتي عموما بس انت مالك يعني

Sekhmet said...

عشان انت مش هيهمك تعرف الكلام ده و لا لأ .. فبالتالي أكون أنا أشبعت رغبتي ف البوح و ف نفس الوقت تكون انت نسيت اللي أنا قلته
باعمل كده بالضبط
بس
بعد كده بارجع و اسال نفسى
طب وهو كان ايه لزمتة؟؟؟؟؟؟؟

Michel Hanna said...

لطيف.

Hany Mihanny said...

طيب

M. El-Hajj said...

نظرية القطر يـــــــــاه دانتي قديمة أوي يا بنتي و الله دا تقريباً مفيش حد في البلد دي ميعرفش نظرية القطر بس جامد كالعادة يا ميندونا

mindonna said...

شاطئ آخر : هو كان لازمته انك قولتي اللي كان نفسك تقوليه و ف نفس الوقت ميكونش في ندم عشان الطرف الآخر مش هيكون متذكر من كلامك غير اليسير
قشطات ؟ ;)
بس برده البوح لشخص يهمه أمرك أحيانا بيكون جميل برده
لكن منين نجيب ناس :)

ميشيل : شكرا علي مرورك يا جميل

يحي : طيبون :)

زنجي : ماهي أكيد قديمة يا زنجي ، أكيد النظرية دي موجودة من أيام ما اخترعوا القطارات

KareemFromEgypt said...

falsafet el kitaar or nazareyet el kitaar

well it's an old theory, now they call it blogging

keep up the good work and write more often

HERA said...

الأدب مطلوب فى قلةالأدب
!!!؟
المفروض كنتى وضحتى اكتر

ده انتى صحيح ذمتك فانيلة
فانيللا سكاى
نياهاهاهاهاه

بس احنا بردو اللى طيبيين
وشكلك كده مستضعفنا يا ريس

لو عاوز تبوح
انا قلبى ليك مفتوح
هنسى كل كلمة
وكمان هديك بالجذمة
ايييييه ايييييييييه

معلش يا جميل بس الأفية حكمت

mindonna said...

كريم من مصر : هي فعلا فكرة المدونات تشبه كتير فلسفةالقطار
بس حاليا ممكن مينطبقش عليها كده ، يمكن بسبب الشللية و الأصدقاء و المعارف بين المدونين

هيرا : اللي تعوزي تقوليه تقوليه
أحلي أفية من المعلمة هيرا
;)

Anonymous said...

I have been looking for sites like this for a long time. Thank you! Disconnecting a car alarm system Teen girls modeling bras and panties Monster teen interracial pic connection interracial single Job connect teen ottawa Westinghouse dryer technical support Next door blowjobs Mature lactating Karate pants