Friday, April 21, 2006

صديق يعقوب يتحدث


لا ..لم يكن شيء بيدي ... و أنت تعلم ذلك جيداً يا يعقوب .. إذ كنت في سالف الزمان وحيداً و متألماً بوحدتي الغريبة ، لم أعد أعلم شيئاً .. كنت أظن أنني أعلم الكثير و الكثير... و لكنني الآن اكتشفت أنني لم أستطع حتي التكهن بمكنونات نفسي
أتتذكر أيعقوب ؟ إذ كنًا نلعب معاً في البراري وسط المساحات الخضراء الشاسعة... كنت في ذلك الزمان البعيد مازلت أجيد الضحك .. و كنت أظن أن بيدي كل شيء .. ظننت أنني أسير في طريق لأنني أنا الذي أريد ذلك .. ظننت أن السعادة بيدي
أما الآن أتساءل يا يعقوب .. أتساءل عما أملكه .. أنا لا أعلم شيئا يا يعقوب ... و لقد تعبت .. أبحث عن روح ما ألجأ إليها .. ألقي نفسي عليها .. أبكي بدموع حارقة تغرق الكون كله
لم يعد لي ما أدخره من الجهد يا يعقوب كي أسامح و أحب .. أنا حطام إنسان .. فشل في أن يحب نفسه فكيف أستطيع حب من حولي بالله عليك ؟
كنت أقرب الناس إليّ يا يعقوب .. أنا أحبك حقاً .. و أنت أيضاً أحببتني برغم كل دناءاتي و وساخاتي .. و لكنني لا أطيقك .. بل أكرهك يا يعقوب .. أنا لم أعد أطيق أياً من الناس الآن .. كنت في أمس الحاجة إليهم في يوم ما و قد احترق قلبي انتظاراً علي من يبحث عن حلقات حزني فلم أجد .. لا .. لم أجد أبداً

10 comments:

Darweshe said...

كنت في ذلك الزمان البعيد مازلت أجيد الضحك .. و كنت أظن أن بيدي كل شيء .. ظننت أنني أسير في طريق لأنني أنا الذي أريد ذلك .. ظننت أن السعادة بيدي
أما الآن أتساءل يا يعقوب .. أتساءل عما أملكه .. أنا لا أعلم شيئا يا يعقوب ... و لقد تعبت .. أبحث عن روح ما ألجأ إليها .. ألقي نفسي عليها .. أبكي بدموع حارقة تغرق الكون كله
جامدة ..... جامدة الى مالا نهاية
ايه الافتراء دا..
تحياتى وسعيد جدا على تصفحى هذه المدونة الرائعة
وهذا البوست الجميل

Khalid said...

pfff.
oneday i am gonna get a sadness-attack after reading one of your posts and die.

هوميروس said...

دايما يكون في عند الواحد يعقوب بتاعه واكيد بيبقي متبهدل معاه
بس هو الناس عارفين يلموا حلقات حزنهم هم الاول عشان يلموا حلقات حزنك وعموما احيانا الحزن بيكون قرار

HERA said...

لو شفتى صديق يعقوب قوليله
يسامح نفسه ويسامح اللى حواليه ويسامح يعقوب عشان يعرف يعيش
وعشان يكون إنسان
الكره بيعود
ومينفعش يكون حائط صد

واضح ان صديق يعقوب اصطدم بالواقع
وكانت الصدمة جامدة

قوليله يلعب كتير مع يعقوب
حلو يعقوب..وبيحبه

Hany Mihanny said...

قوليلها ونبي يا هيرا
أحسن ده غلبان خالص
:p
.................
ستعود يوما يا أماندا
وعندها ستجد الظل أصبح هو من يتبع صاحبه !!

Anonymous said...

يا حبيبتى يا بنتى
ايه لكلام الفظيع ده
رقيتك و استرقيتك من عين اللى شافوكى و لا صلوش عالنبى
رقيتك بالحنجل و المنجل
و الشبشب و الصندل
و انتى عاملة ايه دلوقت؟

mindonna said...

إحم إحم

درويش : أهلا بيك يابوالدراويش ، شكرا علي الكلام ، و مرحبا بك ف المدونة دائما :)

خالد : تموت ليه يا خالد ، انت كل مرة تيجي تحسسني ان انا مريضة نفسيا و تمشي :)

هوميروس : و الله هو ف الأول ممكن يكون قرار ، بس لما تقرر انك تهرب من الحزن مش بتعرف
دخول الحمام مش زي خروجه بقي :)

هيرا : انا برده يا جميل بقول انه يلعب مع يعقوب كتير ، هو عموما ميقدرش يكرهه أبداً :)

أنا : ماهو غلبان فعلا يا مجاهد
بالرااحة :)

فنجان : بقي كدا ،انتي هتعمليلي زي أمي يابت
بس حلوة بالشبشب و الصندل دي
أنا فل يا دميل ;)

M. El-Hajj said...

أه يا بن ال ......... يا يعقوب
لأ جامدة يا بنت سلميلي علي البشموري اللي واكلك دماغك ده دانا حسيت أن يعقوب كان أسمه ثاونا و غير أسمه في البطاقة

غادة الكاميليا said...

تعرفي أصعب حاجه في الدنيا إنك تفضلي عايشه ومتلقيش حد يكملك الحلقات المفرغه اللي عندك
نفس المشكله عندي
بوست جميل يا جميل

mindonna said...

زنجي : ماشي يا عم ، بس مخدتش بالي انها شبه البشموري ، هي شبهها فعلا :)

غادة الكاميليا : شكرا يا كاميليا
اهلا بيك يا جميل :)