Monday, May 08, 2006

الدموية الشاعرية


في اعتقادي أن الدموية لها أنواع .. و تتفاوت تبعاً للجسم الذي يخرج منه الدم و الظروف التي تخرج فيه
فهناك الدماء التي توحي بالعنف و تكون ناجمة عن الضرب مثلا ، و هناك الدموية المرعبة حينما تجري الدماء من صنبور المياه علي سبيل المثال ، و أيضاً الدموية الشاعرية
من أكثر الأنواع التي أميل إليها هي الدموية الشاعرية ، ربما تجدها حينما يحضن شخص ما في مشهد عزيزه الميت المضرج بالدماء
و ربما يمتزج ذلك كله لتتكون من الدموية فلسفة ما .. العنف غالباً منبعه هو الإحساس بالقهر و الضعف ، حينما يشعر الإنسان بالإحباط المتكرر ينتج عنه الكره الغير مبرر و الرغبة في العنف ، و العنف يتولد منه الدماء


في القصص المصورة اليابانية التي كنت أقرأها في زمن ما ..و خاصة التاريخية منها كانت مفعمة بسيوف الكاتانا اللامعة فكانت الدماء تمتزج بكل شيء في الأحداث .. سواء في مشاهد الصراعات أو الحب أو التضحية الخ الخ .. و هنا تجد للعنف مبرر و تتعاطف معه و تحبه
هذه الأفكار راودتني هذه الأيام نظراً لنوعيات الأفلام التي أشاهدها و أبحث عنها في هذه الأيام .. أفلام عنيفة نعم و لكن الحس الفني فيها عالي جدا و أعطتني حالة من الإشباع الفكري .. و أيقظتني نوعا ما .. وأنا أحترم كل ما يوقظني
فيلم كيل بيل علي سبيل المثال .. برغم دموية هذا الفيلم إلا أنني لمست فيه الجودة الفنية في لقطاته
و بالطبع ذلك من براعة المخرج ( كينتين ترانتينو ) ، لمست في أفلامه غالبا هذا المزج بين العنف و الإجرام والنزعة الأخلاقية الدينية (؟) ، كأنه يحاول تبرير شيئا ما ، ربما يحاول تبرير خطيئة البشر أيا كانت.. أو ربما أستنتج منه بأن الخطيئة دائما تقفان جنبا إلي جنب مع الفضيلة تؤازران بعضهما البعض (وليس العكس) دون معرفة منا

32 comments:

Ghada said...

أنا أحب الناس اللي تشوف الأشياء من وجهة جديدة، وأنا شايفة إن اللي انتي كاتباه جديد، خصوصاً بالنسبة لمجتمعنا، اللي غالباً لا يقدر مثل هذا النوع من الجمال

وبيني وبينك، أنا مبعرفش بردو أستمتع بيه، إنما اقدر وجهة النظر

Solo said...

متفق معاكى لأقصى درجة فى نظرتك للدموية الشاعرية
الكلام ف الموضوع دا كتير أوى
بس عايز أقولك ان مش كل العنف ناتج عن ضعف أو خوف

و أخيراً ... شوفى فيلم
irreversible
و ابقى قوليلى رأيك

Khalid said...

masa7ti il comment ta3i? :*((

Anonymous said...

أيوة كده
خليكى فى الموضوعات المبهجة دى
دم و عنف و الكلام الرائع ده
مش تقوليلى فرج

mindonna said...

شغف : شكرا ياجميل
بس ليه الصمت ف الأول ؟؟ :)

غادة : متشنكرين علي تقديرك لوجهة النظر

سولو :مكن يكون العنف مش ناتج عن ضعف ، لكن بيكون رد فعل تجاه شيء سلبي عموما
شكرا علي تعريفك للفيلم ، هبقي أشوفه أكيد :)

إبراهيم : الدموية يعني الدموية
يعني لما تلاقي فيلم دموي ، يبقي تلاقيه مليان قتل و دم يعني
بس لما تلاقيه معمول بطريقة فنية ممكن تحس فيه بنوع من الشاعرية و الجمال
بس يعني :)

خالد جرار : و أنا أقدر ؟؟
واضح ان التعليق مظهرش أصلا يا خالد :)

فنجان : دايما كده تعليقاتك غامضة ؟؟
عموما منورة يا قمر

M. El-Hajj said...

الله الله الله الله، أيه الحلاوة دي يا أخت ميندونا :D
بس لعلمك برضه كلامك في شيئ من الصحة مش عارف ليه أفتكرت اللقطة بتاعت قتل شفيقة في فيلم شفيقة و متولي و كمان الموضوع فيه بينه و بين الرعب القوطي في عقلي الباطن خيط رفيع عشان كدا بوصيكي تقري أدجار الآن بو و عندك بقي العالم المجانين لافكرافت و ستيفن كينج و هيتشكوك و ممكن تقري ما وراء الطبيعة و صرخة الرعب كمان جامدين قوي :D

هوميروس said...

دموية الواحد يخاف منك اليومين دول
بتفق معاكي جدا

CoonCan said...

آه , على ذكر إدجار آلان بو , الجمال الميت كان موضوعاً موحياً للشعر , حتى أنه ثمة قسماً خاصاً بهذة الأشياء , غير القوطية التي تتسرّب إلى النثر , هنالك الموضوعات المتخذة من الدم موضوعاً ,,
على العموم أرى أنك تجدين أشياء مصاصي الدماء \مثلاً\ مسلية .. ؟
الدم , الحياة المجردة في حالاتها الأولى , التعبير الصاخب ,
أظنني أفهمك ..
فرصة سعيدة .. :)

mindonna said...

زنجي : كويس انك جبت المشهد بتاع شفيقة و متولي ، انا برده حسيت فيه بنوع من الشاعرية
ستيفن كينج عبقري تفنن فإنه يتناول كل أنواع الرعب أكيد
ممكن لافكرافت و بو برده تناولو الرعب بطريقة شاعرية ، بس مش بالضرورة يكونو تناولوها بدموية
صرخة الرعب ايه يا زنجي ..صباح الطفولة :p

هوميروس : متخافش ، أنا الحالة مش بتجيلي الضهر :))

كونكان : فكرتني بأفلام مصاصي الدماء شفت فيها الدموية الشاعرية برده
زي فيلمinterview with the vampire
أو Bram Stoker's Dracula (1992)

بس أنا حبيت أكتر الطابع الياباني ، يمكن عشان مش بحب الجو الرومانتيكي الغربي اوي :)
أهلا بيك يا كونكان ، فرصة أسعد بالنسبة لي

Anonymous said...

سلام
اتفق معك كليا تارانتينو وبالرغم من اعماله القليلة نجح في اتباث اسلوبه المبني علي العنف الجمالي وهذا ليس في الافلام التي اخرجها بل حتى في تلك التي انتجها او كتب لها السناريو يعني ان الرجل يعمل علي تاسيس مدرسة قائمة الذات
ما عجبني في كيل بيل اكثر ان المخرج قام من خلاله بتكريم انماط سينمائية غذت طفولتنا مثل افلام الكونغ فو والافلام من الفئة
Z

شريف محمد said...

فيه فيلم اسمه البرتقالة الاّلية
a clockwork orange
مش عارف اذا كنتي سمعتي عنه أو لا (أنا كتبت بوست عنه لكنه اندفن في الأرشيف) .. هو بصراحة الوحشية الحمراء المخضبة بالدم ليست دوما أفلام رديئة الصناعة كما يخيل للبعض .. لكنها تلمس الخلل النفسي , أسباب العنف المقدس الذي يحول الانسان الى مفرمة , الريح التي تزيد الجذوة المشتعلة بأعماقنا تأججا
يمكن نكون محتاجين فعلا ننظر للأفلام الدموية أو العنيفة بعمق أكثر فعلا
ربما نجد فيها نوعا اّخر من الجمال الفني

Anonymous said...

سلام
a clockwork orange
للمخرج الكبير ستانلي كوبريك
اعتقد ان الفرق بين تارانتينو وكوبريك هو ان الاول يقدم الفن من اجل الفن والثاني يقدم الفن من اجل السياسة

mindonna said...

بلوزمان : يا مرحب :)

فعلا ده اللي لمسته في أفلام تارانتينو العنف الجمالي زي ما انت بتقول
زي في فيلم natural born killers
وpulp fiction
و إن كان العنف في الفيلم الأخير مش كتير

أما فيلم a clockwork orange
فلسه مشفتوش
بس فعلا تارانتينو معتقدش ان أفلامه ليها بُعد سياسي ما :)
بس هو يعني ايه أفلام من فئة
Z?

فهرنهايت : يمكن أفلام العنف اللي بتجيب العنف بسطحية زي أفلام الأكشن الهابطة دي مش هتلاقي منها مغزي ما
بس في أفلام بتعبر عن العنف اللي انتشر ف المجتمعات و بيتناولوها بطريقة إنسانية وواقعية ، شخصيا بفضلها أكتر من الأنواع التانية
الفيلم اللي قال عليه سولو
irreversible
ابقي شوفه:)

Ahmed Shokeir said...

ميندونا

أول مرة أعرف إن فيه دموية شاعرية
عموما هي وجهة نظر ، بس بصراحة مش قادر أتقبل إنها ممكن تكون شاعرية

عوليس said...

ايوه بس انا مش فاهم انتى عايزه ايه من التدوينه؟

Hany Mihanny said...


معلش يا جماعة انا متعود اجي متأخر:-
الدموية الشاعرية
المصطلح في حد ذاته مبهر جدا وبراق وخادع في نفس الوقت
الدموية هي الدموية العنف الزائد" وكثيرا من الدماء ولكن كل ده غالبا بيتغلف بصورة مبهرة - سكوب- الوان مبهجة نارية وموسيقي علي غير المعتاد جايز تكون وتريه متوترة او حماسية حزينه بعيد عن الألات المعتادة كالنحاسات والطبول كل ده طبعا غير حرفية الاخراج المدروسة
وهو ده اللي كان بيخليني دايما انبهر بالافلام اليابانية رغم ردائة الفكرة وتسطيح تناولها..في فيلم اسمه "الخناجر الطائرة"كنت اتفرجت عليه واتفاجأة بيه في افتتاح مهرجان القاهرة بعد كده - وده مش معناه انه مميز طبعا - قد مهو نموذج
مش عارف جايز تكون الطبيعة عندهم فعلا موحية بكل الجمال ده..وطبعا مينفعش انسي فيلم
"hero"
رغم انه سخيف طحن
ما علينا ربنا يسامحهم
...............
بيتم تصنيف الافلام في السينما الامريكية بالحروف بشكل تنازلي هناك افلام حرف
"a"
الاقل منها افلام حرف "B"
افتكر كده افلام الحرف "Z"
مفهومة..بالاش احراج
................
ستانلي كوبريك وتارانتينو
المقارنة ظالمة طبعا لتارنتينو..كوبريك لم يخرج علي مر حياته"1928-1991 "سوي عدد محدود جدا من الافلام..وهو واحد من القليلين جدا اللي ممكن نلقبهم بألة السينما ..والسبب انه مكنش مجرد مخرج او مؤلف للفيلم لكن كان بيسيطر علي كل مراحل الفيلم من كتابة لتحضير لأخراج لأبتكار مؤثرات صوتيه ومرئية وصل لدرجة انه كان بيعمل شريط الخام - السلوليد- علي ايديه لتحديد درجة حساسية الفيلم..ويمكن مش معلومة جديدة ان اخر افلامه
"WIDE Shut Eyes"
استغرق منه 12 سنه
كامله وخلق خلالهم مليون قدم من الخام السينمائي-صباح الفضا- ..طبعا ده خلاه يتوفي قبل عرض الفيلم بأيام كل ده والراجل مكملش دراسته لانه مكنش بتاع مدارس
تخيلوا بقه بعد كل ده لو الراجل صحي فجأة وقرا تعليقتنا عنه ,انه كان من انصار الفن من اجل المجتمع وكانت اغلب افلامه سياسية فقط ..اكيد هيطب ساكت تاني بعد ما يعري راسه ويدعي علينا
اما الاخ تارانتينوا فيكفيه فخرا انه الكاتب الاول لسيناريو فيلم العظيم Natural Born Killers"أوليفر استون " الشهير لكن طبعا استون ما سابش السيناريوا من غير ما يلعب فيه وفي ناس بتقول ان سيناريو الفيلم في علاقة بينه وبين "clockwork orange"
لكوبريك بدعوة ان المقارنة هتعمق مشاهدتنا للفيلمين
سمحوني ان كنت متعصب لكوبريك علي حساب الاخ تارنتينوا بس فعلا فيلم "اقتلوا بيل" فقع مرارتي مع انه دموية شاعرية
ـــــــــــــــــــ
اسف يا صاحبة الترفشخنات ان كنت كتبت تعليق اطول من التدوينة بتاعتك لكن بصراحة التعليقات عندك تفتح النفس

Anonymous said...

سلام
صحيح ما قاله الاخ بخصوص الافلام من الفئة زيد
فهي افلام صورت بميزانية ضعيفة وفي فترة وجيزة وغالبا تكون بها اخطاء تقنية وهي الافلام التي تعرض في القاعات الشعبية
اعتقد ان هناك نقط تشابه كثيرة بين نارانتينو وكوبريك فهما معا لم ينجزا افلام كثيرة
وهما معا من المتعصبين لارائهم
وقضية ابتكار كوبريك لتقنيات جديدة في التصوير مسالة صحيحة وعلى ضوئها تم انجاز شريط وثائقي يشير ان الانسان لم يصل الي القمر وان ماشاهده العالم كان مجرد خدع بصرية انجزتها الات كوبريك
بطبيعة الحال الامر غير صحيح

شريف محمد said...

يمكن أفلام العنف اللي بتجيب العنف بسطحية زي أفلام الأكشن الهابطة دي مش هتلاقي منها مغزي ما
ومين جاب سيرة أفلام الأكشن أو العنف العبيط المجرد؟
أنا كنت بتكلم عن الأفلام اللي الناس بتتحاشاها لكم العنف المفرط رغم ماتتضمنه من أفكار أو رموز في حين أن هذا العنف أو الدموية هي مجرد وسيلة أو قالب أو حافز مستفز للفت الأنتباه ... ضربت مثلا بالبرتقالة الاّلية لأنه من الأفلام التي اّثارت ضجة لدى ظهورها لكم العنف الزائد الذي تحتويه للدرجة التي وصلت بالبعض بسبب الفيلم لتهديد كيوبركس بالقتل بالاضافة الى منع عرض الفيلم في دول أوروبا لتأثر الشباب ببطل القصة وتقليدهم اياه
لاأعقد مقارنة بين كيوبركس وتارنتينو لأن الحديث عن المخرجين عموما لم يكن هدف البوست كما فهمت ... لكن حديثك عن الدموية الشاعرية لفت نظري الى أن الجمال بالفعل قد يكون في صور غير تقليدية ... جمال الصورة , جمال الفكرة , معنى نكون قد أغفلناه فلانرى جديدا الا اذا قمنا بتركيب الحقائق بشكل مختلف يغير نظرتنا للأمور
مش عارف ايه اللي اعطاكي انطباع اني أتحدث عن أفلام الأكشن العنيفة الخايبة(أفلام المقاولات الأجنبية) ... فلا أعرف أحدا يحبها سوى رواد المقاهي من الصياع والأسطوات المخضرمين في كار المخدرات
:)
فيلم irreversible
سأحاول مشاهدته في القريب العاجل
اّسف للاطالة

Unknown said...

ممكن ألاقى
الدورة الشاعرية
فيما اكتبه


اقراني وقوللى

mindonna said...

شوكير : مقدرة انك مش قادر تتقبلها ، في ناس مش بتحب أفلام العنف ، يبقي ازاي تتقبل انها شاعرية
:)

عوليس : تفتكر هكون عايزة إيه يا عوليس ؟، عايزة الناس تشاركني إعجابي بالدموية :p

أنا : أهلا يا مجاهد
و الله تعليقك عجبني جدا عشان قلتلي معلومات كتير مفيدة عن الأخ كوبريك ده
مشفتلوش تقريبا غير فيلم
the shining
بس الأخ تارانتينو اللي بيميزوا عن غيره أكيد ان أفلام العنف عنده فيها جمال برغم كل شيء
كيل بيل اللي فقعت مرارتك؟ صحيح ممكن تكون مش فيها أفكار كتير ( مناظر بس يعني ) بس الإخراج كان فني جدا
الأفلام اليابانية ممكن تكون سخيفة فعلا ، لكن زي ما بتقول الطبيعة اللي عندهم بتضفي علي كل حاجة عندهم الرقة ، يعني لو في مشهد قتال تحت شجرة الساكوراالوردي و في دم متطاير ، ،أكيد هتبقي شاعرية :)
صحيح الأفلام اليابانية معظمها في جزء من الإفتعال ( والتمثيل رديء بصراحة ) بس بحبها
:(

بلوزمان : شكرا علي تعليقاتك ف البوست ده يا ريحان ، أفدتني جدا لمعرفة معلومات ف السينما ، هبقي أسأل آرائك ف أفلام معينةأشوفها بعد كده
لو معندكش مانع :)

فهرنهايت : أنا مكنتش أقصد عليك أبداً، كنت بتكلم ف العموم
في أفلام ممكن تتخذ العنف كرموز فعلا للفت الإنتباه عندك حق
و ممكن يكون مجرد تعبير عن العنف موجود فعلا ف أي حتة
هو بصراحة من الأول مكنتش ناوية أدخل أفلام العنف كلها بالضرورة ف البوست
كنت عايزة أتكلم بس عن المشاهد الدموية اللي ممكن نلمس فيها شاعرية و طبعا ده انت فهمته
بس هو كله مربوط ببعضه فكان لابد :)
irreversibleفيلم
مالوش علاقة لا بالدموية و لا بالشاعرية علي فكرة ، هو في جانب إنساني حزين جدا برغم انه فيلم عنيف
بس عشان مش تقول ان انا خميتك ;)
لا تأسف للإطالة :)

أبو أمل : مممم ممكن بردو الدورة الشاعرية ، لأن الدورة مش عارفة ليه مش بحس منظرها وحش اوي ، يمكن عشان بتعبر عن الأنوثة بشكل ما
بس ياريت ماتكونش ليها علاقة بنوع من الهوس أو البورنو :)
البروفيل بتاعك مش بيفتح علي فكرة
؟؟

Michel Hanna said...

بوست رائع.
ومصطلح مبتكر. الدموية الشاعرية.. الله الله!
انا كمان مغرم بالقصص اليابانية، احنا اتربينا عليها في الحقيقة على شكل مسلسلات كارتون: جريندايزر وجنكر وخماسي وسازوكي والرجل الحديدي، وكلها بتتمتع بعنف غير عادي حتى ان معظم المسلسلات دي ممنوع في أمريكا أو بيتحذف منه نصفه.
من الأفلام اللي ممكن نعتبرها تبع العنف الشاعري برضه
BraveHeart
Godfather
silence of the lambs
البرتقالة الميكايكية عنفه مفزع في الحقيقة خصوصا انه على خلفية موسيقية رقيقة تنحدر بك إلى عقد نفسية من الموسيقى نفسها.
العنف السادي اللي على حق بقى في أفلام الجيالو الإيطالية. 120 يوم في سودوم مثلا.

Anonymous said...

سلام
تحت تصرفك يسعدني ان اقتسم معك بعض المعلومات القليلة التي اتوفر عليها

mindonna said...

ميشيل : كنت بقول بردو انه هيعجبك ، عشان انت بتحب الرعب الدموي إلي حد ما
:)
جبت أمثلة حلوة لأفلام العنف الشاعري
في مسلسلات و أفلام كارتون ياباني اتمنعت ف أمريكا لأسباب أخري برده ، هو عشان الثقافة اليابانية مش تطغي علي السينما ف أمريكا
زي أفلام ميازاكي (كارتون)اتمنع عرضها هناك للأسباب دي

بلوزمان : شكرا علي ذوقك يا ريحان :)

غادة الكاميليا said...

أنا بخاف من الأفلام دي أساساً
لون الدم في الأفلام دي بيتعبني
على الرغم إني متفقه معاكي من انهم بيتعاملوا بتقنيه عاليه جدا في أفلامهم عموما ، لكن لو صدفت واتفرجت على فيلم من الأنواع دي بيكون دمويه أسطوريه بتعجبني الأنواع دي أوي

Ahmed Rashwan said...

لم أفهم المقارنة بين ستانلي كويبريك و كوانتين ترانتينو لإنه في رأيي أن لأفلام كل منهما صبغة ومنطلق فني مختلف
وهوما ينطبق أيضا على أوليفر ستون الذي يعد بمثابة مدرسة ثالثة مختلفة تماما
كثير من المخرجين الأمريكيين الآخرين دخلت أفلامهم بنسبة أو بأخرى في منطقة الدموية الشاعرية ، أكرر هذا التعبير رغم أنني مازلت أشعر بغرابته!!
منهم فرنسيس فورد كوبولا مخرج أفلام
The God Father ( 3parts/
The Cotton Club
Dracula
وأيضاً مارتن سكورسيزي مخرج أفلام
Gangs of New York
Good Falles
Casino
هل تتذكرين مشهد قطع الأصابع كجزاء لغشاش القمار؟
وكذلك باريان دي بالما مخرج صاحب فلسفة في مشاهد العنف والدم ولكنه أكثرهم تجارية ومخرج أفلام عديدة منها
The Untouchables
Scarface
Carlito's Way
لم أسمع من قبل عن تصنيف لأفلامه أسمه
Z
لكن هناك فيلم سياسي يحمل أسم
Z
أخرجه كوستا جافراس عام 1969
أنا أيضا ضد العنف والدم في السينما إذا كان مجاني وغير مبرر واحبه إذا كان مرتبط بالدراما

mindonna said...

ف الحقيقة انا مش عارفة بردو ليه دخلنا ف مقارنة بين تارانتينو و كوبريك :)
بس انا شفت فيلم الربتقالة الآلية و كان ليها بعد سياسي زي ما بلوزمان قال
يعني هو مش ف الأساس بيتناول العنف ، بس هو استغل موضوع العنف عشان يتناول بيه الموضوع الأساسي

اللي بيميز تارانتينو ان كل أفلامه غالبا بتتكلم عن القتلة و رجال العصابات و السفاحين .. و رغم ذلك فأفلامه تتسم بجو فني جميل يمكن أن يجعلك لا تنفر من كم الدماء و القتل الموجود
زي فيلم كيل بيل

سكورسيه كان مهتم بردو بتناول العنف بس بيتناولها كمشكلة من مشاكل المجتمع الأمريكي
كوبولا فعلا قدر يتناول العنف بطريقة شاعرية زي ف الفيلم بتاع برام ستوكر دراكولا و فيلم العراب

أهلا بيك :)

Mist said...

حلو أوي البوست ده..اتفاعلت جدًا معاه ومع التعليقات..

الحالة اللي ممكن أتقبل فيها الدموية في فيلم عمومًا هي الحالة اللي انتِ سميتيها (دموية شاعرية)دي

kill bill
حبيته جدًا عشان كده

مش حاضراني أسماء دلوقت _ذاكرتي بتنجان أساسًا_بس عندي تعليق صغير على يحيى مجاهد اللي تعليقه فعلاً حلو جدًا

hero
فيلم صيني حسب علمي..كنت مستسخفة فكرته أوي رغم تصويره المبهر جدًا _في رأيي_بس لما شفته تاني بالترجمة عجبني أكتر
_

mindonna said...

ميست : أهلا بيك يا جميل
أسعدني تعليقك الصراحة بانك اعجبتي بفيلم كيل بيل لأنه شاعري

اللي بعجبني ف الأفلام الأسيوية سواء اليابانية او الصينية هو جوها الأسيوي عموما ، حتي لو مش ذات قصة أو كده
هبقي أشوف فيلم hero :)

عجبني kung fu hustle

Mist said...

:)هأدور عليه ..

على فكرة hero
بطولة جيت لي ..الفيلم الجديد (مناظر ومبارزات وقصة تحفة)اسمه fearless
حاولي تشوفيه
هو مش معقد ولا كده..بس متعة بصرية برضو

mindonna said...

أهلا أستاذ أحمد حسن
منور المدونة بجد :)

القصيدة جميلة و موزونة
انا ضفتك عندي عالمسينجر بس مش لقيت رد
عموما هحاول تاني
:)

Anonymous said...

Very pretty design! Keep up the good work. Thanks.
»

Anonymous said...

Best regards from NY! Paxil from mexico www partypop com zyrtec mitsubishi Zyrtec tagline Lonesome george toy tortoise canada life insurance co Cheap calls antigua Zyrtec alloway new jersey Tenby camping http://www.hilton-hotel-7.info/zyrtec-cause-weight-gain.html Infiniti used Plasma tv fotos 'bass fishing tournements'