Saturday, October 22, 2005

مشكلة فلسفية معقدة

صديق لي قد بعث بهذه الرسالة منذ زمن ، هي متداولة من عدد من الأشخاص فمصدرها مجهول ، رسالة ظريفة

************

مرة واحد كان معاه ربع جنيه .. ففكر يعمل بيه إيه .. يشرب عصير قصب و لا يركب الأتوبيس

فقال لنفسه: أنا لو ركبت الأتوبيس هيبقي في حل من إثنين >يإما هقف أو هقعد


لو وقفت مش هيبقي في أي مشكلة


لكن لو قعدت هيبقي في حل من إثنين > >يا إما هيقعد جنبي راجل أو تقعد جمبي ست


أنا لوقعدت بجانب راجل مفيش مشكلة


لكن لو قعدت بجانب ست هيبقي في حل من إثنين > >يا إما هنعجب ببعض يإما مش هنعجب ببعض


لو مأعجبناش ببعض مفيش مشكلة


لكن لو أعجبنا ببعض هيبقي في حل من إثنين > >يا إما هنتجوز يأما مش هنتجوز


لو مإتجوزناش مفيش مشكلة


لكن لو إتجوزنا هيبقي في حل من إثنين > >يا إما هنخلف يأما مش هنخلف


لو مخلفناش مفيش مشكلة

لكن لو خلفنا هيبقي في حل من إثنين > >يإما هنخلف ولد أو بنت

لو خلفنا بنت مفيش مشكلة


لكن لو خلفنا ولد هيبقي في حل من إثنين > >يإما هيستقيم أو هينحرف


لو إستقام مفيش مشكلة


لكن لو إنحرف هيبقي في حل من إثنين > >يا إما يدمن أو مش هيدمن


لو مأدمنش مفيش مشكلة


لكن لو أدمن هيبقي في حل من إثنين > >يا إما هيبقي معاه فلوس أو معهوش


لو كان معاه فلوس مفيش مشكلة


لكن لو كان عايز فلوس هيبقي في حل من إثنين > >يإما هيسرقني أو هيقتلني


لو سرقني مفيش مشكلة

لكن لو قتلني ... ... ... إيه ؟ ... يقتلني
؟؟!!!!!!!!!





لا ياعم أنا أشرب عصير قصب أحسن

13 comments:

KING TOOOT said...

أنسان غلبان
عقله بتينجان
تفكيرة عجيب
خيالات و جنان
ماشى بالأحلام
أشكال و ألوان
و الوهم كبير
جواه مليان
عامل حواديت
مع أنه جبان
بيخاف م الناس
و الدنيا كمان
يا حايدخل خانكة
يا ميروستان
KING TOOOT

BLUESMAN said...

سلام
جميلة
من الافضل الواحد يبتعد عن العصير بصفة كلية

نــــــــدي said...

فيونكه حمرا
جالها زغطه
نطت نطه
جريت حته
فتحت مدونتك
ضحكت ضحكه
......
حلوه اوي

ماشى الطريق said...

هوا لسة فيه قصب بربع جنيه دانتا قديم أوى

mindonna said...

:توووت
جواه مليان
عامل حواديت
مع أنه جبان

دا الجبان هو اللي دايما بيعمل حواديت جواه ،لأن الواقع عنده يكون خاليا من الأحداث دائما فيمتلئ عقله بالتخيلات:)

بن نواس:
معلش أنا أعصابي ضعيفة جدا عشان كده مقدرش أزور مدونتك

ريحان:
تبتعد عن العصاير ، اذا سوف تركب الأتوبيس
هتتعب:)

فيونكة حمرا :
شكرا يا جميل

كتابة:
قديمة ليه ، لسه فيه بتهيألي عصير قصب بربع جنيه

بس انت قايل (قديم)؟
انا مؤنث علي فكرة:)

Unknown said...

شكراً على زيارتك لمدونتي المتواضعة ياترفشخنات بالنسبة لعصير القصب فأكثر من نصف المغاربة لا يعلمون طعمه أما الأتوبيس فلقد زادت تسعيرته هذه الأيام كما البنزين والحليب و و و و و و و و و و و و و و و وو و وو و و و وو كل عام ونحن بخير

بنت مصرية said...

من زمان مالقتش حد بيفكر بالمنطق والعقل والحكمة زى صاحبنا ده

هنيئا له عصير القصب

هههههههههههههه

Hany Mihanny said...

عصير قصب ايه بس وجبان ايه؟
اقولك لو هو يعز عليكي قوي
خليه يركب الاتوبيس
ولم يخلف وابنه يطلع ضريب ..يبقي يجبهلنا واحنا نضربه

ده ايه وجع القلب ده يا ربي
::::
صباح الهسس

KING TOOOT said...

مندوننا
هو جبان لدرجة أنه حتى خايف يعمل حواديت جواه
خايف من خياله اللى جواه زى ما هو خايف من خياله اللى براه
عموما ً أسف لو كانت الفكرة مش واضحة
KING TOOOT

mindonna said...

مساء الهسس يا يحي:)

توت :الفكرة وضحت يا توت
لا داعي للأسف:)

mindonna said...

شكرا انت يا كناوي علي زيارتك للمدونة:)

امال ايه العصائر الشائعة عموما في المغرب ؟
كل سنة و انت طيب:)

allfollowsome said...

انت سرحت فى مواضيع تانية خالص بس دا اتهيالى بيفكركوا بواقع الشعب المصرى الكحيان الللى مش لاقى فخياله واسع جدا جدا
ربنا على الظالم والمفترى

Anonymous said...

That's a great story. Waiting for more. How to prime a dodge diesel engine Olympus digital cameras support Mlm network marketing affiliate lead line vicodin charleston southern soccer Best perfumes 2005 army backpack Free motorola t120 ringtones 3d design kitchen software Camping in greece service internet fax http://www.cum-2.info 600 sign up bonus on slots Child bike seat rain cover