Tuesday, October 25, 2005

رداً علي دعوة العزيز شوكير سأقوم بنشر هذه :)

سبعة أشياء أخطط لعملها:
-

أن أحاول عدم العبوس في وجه الغرباء (من إحدي عاداتي التي لا أحبها كثيراً)
-قراءة الكتب المتكومة التي اشتريتها مؤخراً (محصلة الكتب التي اشتريتها أكثر من محصلة الكتب المقروءة )
-البدء في المذاكرة ( شكلي مش هبدأها خالص )، و مزيد من الإهتمام بحضور المحاضرات
-التخفيف من شرب الشاي و القهوة (لأن الإسراف فيه يؤدي إلي نتائج عكسية و هذا ما يحدث لي )
-البحث عن كتاب (فصوص الحكم) لابن عربي
-البحث عن طريقة ما لتقوية و تحسين الذاكرة (بيقولو شاي الروزماري)
-أريد الذهاب إلي حفلة لفرقة (الطنبورة) ببورسعيد و التي سمعت أنها تُقام هناك إسبوعيا



سبعة أشياء لا أستطيع عملها :

-

سرقة بنك
-الهروب من البلد أو تهريب أبي و أمي إلي خارج البلد
-الخروج بعد منتصف الليل
-ركوب دراجة أو موتوسيكل
-مجاراة الناس في المناسبات الإجتماعية
-القفز و الدوران في مكان عام
-الرد بسماجة علي شخص سمج (دائما الضيق يلجم لساني و عقلي في هذه الأحوال،وأجد الرد المناسب بعد فوات الأوان)

سبعة أشياء عادة أقولها:


-

ياراجل ( أقول ذلك حتي لصديقاتي البنات)
-جتنا نيلة علي حظنا الهباب
-يا خوفي منك يا بدران
-لا بَقْس ( يعني لا بأس بس أنا بنطقها كده (و أحياناً لا بوكس))
-قشطات
-الله يخربيت الغباء (و خاصة حينما تنتابني رغبة ملحة للدعاء علي شخص ما )
-c'est la vie( لما ملاقيش كلام أقوله )

أدعو الجميع لكتابة تلك الأشياء السبعة التي تعملها و لا تعملها و عادة تقولها، ربما تساعدك علي فهم نفسك قليلاً

9 comments:

Ghada said...

ههههههههههههه

السبعة أشياء التي لا تستطيعين عملها دي تحفة! بتلخص أمنية كل واحد ف الحياة

الفلوس
و الحرية!!!

وأنا متعاطفة مع كل واحده فيها

BLUESMAN said...

سلام
عليك ان تجدي طريقة لتسجيل الاشياءالتي تقولينها عادة
فلدي رغبة خاصة في سماع جملة
جتنا نيلة علي حظنا الهباب
واتمنى ان تعيدي النظر في قضية سرقة البنك
لقد وضعت خطة متكاملة
لسرقة بنك في سويسرا وقررت الاعتماد عليك

Hany Mihanny said...

كتاب "فصوص الحكم" موجود علي النت وممكن تحمليه- معلومة وصلتني من واحد صاحبي بيدون معانا ومبثقش في كلامه كتير..بس حاوللي ولو وصلتي لحاجة ابقي بلغيني
::::
الطنبورة بتعمل حفلات في القاهرة "ألتاون هاوس"شوفي انهي أقربلك وممكن تحضريها
::::
حاوللي تفكري في العرض بتاع راهب نينجا بجد , لكن لو أتقبض عليكم انا مسمعتش حاجة
:::::
يا راجل

Ahmed Shokeir said...

العبوس في وجه الغرباء
أوووبس ......... هو إنتى منهم ؟
لازم تتصرفى بسرعة
وبعدين روز مارى إيه وبتاع إيه .. إيه ده بأه ده بأه .. شاى العروسة
على الأقل إسمه برده بشرة خير

شكرا على الإستجابة .. وتحياتى

mindonna said...

غادة : أيوه يا بنتي اتعاطفي معايا

دنا غلبااااان


ريحان : فكرة ظريفة تسجيل الأصوات
انا في مرة سجلت صوتي استغربت منه جدا
اعدت أقول ايه الصوت المسرسع ده:)
مثلما تري نفسك في فيديو أو صورة و تستغرب من شكلك

هجرب اسجله:)

سرقة بنك سويسرا مرة واحدة !! خلاااص اتفقنا ،أكيد انت حافظ هندسة البناء و تقدر تعمل خطة محكمة ،و ما عليّ إلا التنفيذ:)


يحي : ممكن ادور عل حكاية تحميل الكتاب

بس انا عايزة الكتاب نفسه بصفحاته
عموما هدور و أقولك لو لقيته

فين التاون هاوس ده صحيح ؟
و مين راهب نينجا :)؟

شوكير : متظلمنيييش يا شوكير اه منهم دي
كل الحكاية اني كِشريّة شويتين فغصبن عني بكون وشي كده و انا بكلمهم فالناس بتفتكر دايما ان انا مضايقة منهم
بس الحكايةمش كدا :)

شاي الروزماري مسحوق أخضر المغلي بتاعه مفروض مقوي للأعصاب و الذاكرة

بس طعمه بشااااااع
شكلي مش هكمل الكيس كله

shera said...

حلو اوى
بس اشمعنى سبعه ؟

mindonna said...

انا كمان مش عارفة ليه هي سبعة

هي حاجة شبيهة باللعبة ياوهم
هتلاقي مدونين كتير كتبوها علي فكرة :)

ابن مصر said...

اقولك علي حاجة غريبة

السبع حاجات اللي انتي متقدريش تعمليهم انا اقدر اعملهم وتقريبا عملت معظمهم
:)

mindonna said...

مش حاجة غريبة يا بن مصر:)

غالبا الأشياء اللي نفسي أعملها الرجالة بتعملها عادي
زي ركوب موتوسيكل أو دراجة
و بالمرة التدخين في مكان عام

اللي يغيظ في دا كله ان المانع الوحيد هوا كوني بنت