Sunday, November 13, 2005

الورطة إياها

يالله ! كل سنة تواجهني هذه الورطة - التي مللت منها فعلا - ففي نهاية كل فترة دراسية ، أبدأ في التعرف علي المواد لأول مرة ، و أتذكر كيف كنت أذاكر في الفترة السابقة ، و أفتش في عقلي الغائب عن أي خلفية من المعلومات قد اكتسبتها من الثلاث سنين الماضية في كلية ( الطواويس القبيحة ) هذِه
فأفهم ببطء السلحفاة ، و أقرأ ببطء السلحفاة ثم شيئا فشيئاً أشعر بأن الذاكرة قد عادت أخيراً

هي لحظات سوداء ، إلا أنني مضطرة لها كي لا أواجه الخزي بوجهه الجميل في يوم الإعلان عن نتائج الإمتحانات و أعاني من ذيوله بالتبعية ( دور ثاني -تخلفات -التقريظ من الحكومة بالبيت-الخ الخ)
برغم أن مواد كليتي قيمة جدا ، و في يوم من الأيام كنت أشعر_حقاً-بمتعة دراسة هذه المعلومات القيمة ، و كانت تزعجني نظرة زملائي الحمير للمواد المقررة و التي تتلخص غالبا في النجاح فقط دون التركيز في المضمون (علي أية حال أنا كذلك تقريبا)
فمثلاً، كنت أحب الكيمياء العضوية في السنين الماضية جدا ، و أحيانا العقاقير ..و كنت أتمني لو أستطيع دراسة المواد بتركيز و أفتش عن سبب حقيقي يدفعني إلي كره الدراسة في هذه الكلية

غالبا لأنني منذ البداية كنت أملك إهتمامات واضحة ، و بالأحري كان من الأفضل لي بالتأكيد الإلتحاق بأي كلية فنية
وجودي بها ربما كان يسعدني
أما الآن فالعبدة لله فتاة أخري بلهاء تجلس في المحاضرات بنصف دماغ تحاول في كل سنة أن تنجح سالمة بدون ال(ض)أو ال(ض.ج) المتينين
علي أية حال ، لقد أردت بشكل ما دخول هذه الكلية في الثانوية العامة ، و كان السبب تافهاً-و إن كان مهما جدا بالنسبة لي في ذلك الوقت- و هو رغبتي في الإثبات لأبي بأنني أستطيع الإلتحاق بكلية علمية ، و بأنني لست غبية كما يظن
باختصار كانت مسألة تحدي يفوح منه غباء طفولي
والآن أدفع الثمن الفادح لهذا الفوز بالتحدي ، فلا أدري إلي الآن تري أكره أبي أم أكره نفسي أم أكره هذه الكلية ..لا يهم
ما يبرد غيظي هو ترديدي لنظرية أن لا شيء يكون أو يحدث عبثاً
و تعلمت أن الفن قد يوجد أيضا في العلم ، ربما أكثر من الأدب

والآن سأذهب لطلب السماح

17 comments:

islam yusuf said...

كنت يوم بحلم بشىء انه يتحقق لكن اللى اتحقق ضده و زعلت و فضلت زعلان و ماضايق لحد ما دماغى اتوقع و بطلت احلم لكن ندمت لانى من ساعتها و انا قاعد و قافل عليا اوضتى
تامهم ان الواحد يتحدى نفسه مش يتحدى غيره و يثبت لنفسه انه مش ضعيف

Solo said...

تعرفى أن كلامك دا كان باين عليكى م الأول .... مش عارف ليه؟
يمكن عشان الهم واحد
عموما كل ظالم و ليه نهاية

Ghada said...

أهاهاهاهاهاها

اسلوبك تحفة

بجد مع إني عارفه إن الحكاية متضحكش والله بس فعلاً ضحكتيني

ربنا معاكي هما سنتين وتخلصي يا قمر

mindonna said...

أحمد فوزي : صح
انا حاولت اكره اللي مقدرتش اختاره
و حاولت احب الحاجة القدامي
بس عجزت حتي عن ذلك :(

اسلام يوسف: كلامك تمام
بس منصحكش انك تبطل تحلم
دا اللي غالبا نقدر عليه حاليا:)

سولو : الكلام كان باين عليا ..الله يخليك ..بس ازاي كان باين عليا
وايه حكاية الهم واحد ..انت برده من كليات الطواويس القبيحة ؟
بس فعلا ..كل ظالم و له نهاية
حتي لو كان أبويا:)

غادة : الله يخليك يا جميل
كويس انه ضحكك .. بس انا مكنتش بضحك خالص و انا بكتب:)
سنتين ايه بس
هما سنة و نص
سنة و نص!!

Zeryab said...

وماله الضعيف جدا..الحياة كفاح يا ميندونا..انا عن نفسى كانت أمنية حياتى النجاح ولو بمادتين انامتهيأى انهم فكروا مرة ينزلوا التقدير على شريط..لأن الكلام اللى فيه ما كانش ينفع يتكتب

Mist said...

هما سنة ونص
ونخلص من كلية النسانيس الجميلة دي بإذن الله
..
الهم اتنين
مش لازم كل مرة نلزقها في الواحد
:))
يالله خير

Solo said...

حيرتونا.... هى الطواويس القبيحة و للا النسانيس الجميلة ... عموما أيا كان اسمها فأنا متورط فيها برضه زيك و زى ميست (عندك حق مش لازم نلزقها فى واحد كل مرة .... احنا نلزقها فى واحد مانعرفوش) ...على كل الأحوال و الأسماء مش هاعرف أقولك باختصار كان باين عليكى ازاى
فهذا أمر شرحه يطول و أنا الليلة مشغول
بس لازم أقولك ان لو كان الظالم ده أبوكى فأنا ماقولتش حاجة لا يكون فاتح مدونة و بيعلق هنا و للا هنا

mindonna said...

زرياب : نفسي أبويا و أمي يتعلموا منك
صحيح .. ماله الض.ج و لا الض
كفاية شرف المحاولة !!
أما علي كشوف النتايج
هما اللي بيطبعوا الكشف دول بيتكسفوا من حاجة
أنا لما بشوف واحد في الكشف بتبقي أرقام المواد كلها ممسوحة عنده (يعني كله ض.ج) بزعل علشانه جدا و الله ، مع اني عادة بكون معرفوش

سديم : يا سلام .. القلوب عند بعضها
كلها سنة و نص صحيح بسيطة
بس فاضل علي الإمتحانات أقل من شهر:)
خير بإذن الله

سولو : طواويس ،نسانيس ، أهي كلها كائنات لا تمت بالبشرية :)
هاها أبويا ميعرفش ان انا بكتب مدونة
و غالبا ميعرفش ان في حاجة اسمها مدونات
و بالمرة لا يعرف تقريبا عن أفكاري شيئا
فيعني الأمن مستتب جدا زي مانتا شايف
:)

S H E B A K said...

لمؤاخذة يا جماعة بس الكليه حلوة موووت بالمقارنه باللى بيجى بعديها

أنا قلت اهدى النفوووس
:-P

KING TOOOT said...

تقدرى تتحدى صوت ضعفك عشانك
ماتخافيش
تقدرى تختارى مين يرسم فى صورتك
ع الأفيش
تقدرى تتخانقى جوه
تقدرى تستلفى قوه
تقدرى بس المهم
ماتبعيش
KING TOOOT

mindonna said...

عماد ..الجامعة حلوة ..و الكلية كمان حلوة ..بس احنا اللي غلط
عشان كده كل حاجة بتبقي وحشة

النفوس هادية خالص و الحمد لله
مكانش ليها لازمة :P

كينج تووت ..فينك يا كينج من زمان
وحشتنا تعليقاتك الحلوة
انت ناوي تهاجر فين بقي
انصحك باستراليا :)

sydalany-وش مكرمش said...

و الله كويس
على الأقل بدأتي تدوري ف عقلك و إنتي زي ما قالت ميست ناقصلك سنة و نص

أنا ناقصلي نص سنة و شهر و أبقى خريج ما يعرفش الفرق بين الكالو و الوورت بتاعة البابيلوما فيرس

و أكيد إنتي مش ف صيدلة إسكندرية لإن غالبا بيبقى أكتر مادة مكروهة عندنا كانت العقاقير بسبب إسلوب التدريس ف سنة أولى...
إدونا الإنتروداكشن اللي تعرفك يعني إيه ألكالويد و سابونين ...إلخ في آخر السنة
يعني سنة أولى كانت لغاية آخرها تعامل حميري إحفظ وبس بالذات في العقاقير


و بتقولي بتحضري المحاضرات بنص راس
أنا من الترم التاني ف أولى ما باحضرش

ف النهاية
النجاح ده بتاع ربنا و فيه مقولتين أهم من بعض
"إن تذاكر تنجح"
و تم تعديلها ل
"لو تذاكر تنجح"

وف عز الزنقة "السيوتيكال خدتها كلها ف الخمس أيام اللي قبل الإمتحان و ما كنتش أعرف عنتها حاجة"
كان فيه جملة بتهونة عليا كل حاجة
"اللي طلع الفيل فوق السطوح قادر ينزله"

Ahmed Shokeir said...

رجعتينا لزمان أيام ماكان هدف الواحد فى الحياة هو الهروب من
ض ، و .... ض . ج
ومحاولات مستميتة للإكتفاء بواحدة منهم سنويا

أما حالة البلاهة داخل المحاضرات فده شيئ عادى وكنت دايما باقنع نفسي إن العيب من المرسل

خجل said...

انا مش قرأت الا البدايه تبع ها التدوينه

لكن بصراحه انا اشطر انا بفتح الماده وانا بحل في ورقت الاجابه .. وربي هو اللي بيستر

mindonna said...

وش مكركش : جامعة اسكندريةوحشة ، أمال جامعتنا ايه بقي

شوكير : البلاهة في المحاضرات دي يتحسسني بالإهانة ،مش عارفة ليه

Unknown said...

سلام ميندونا أجدني إشتقت للجديد على مدونتك ولا إستسلمت للورطة إياها؟والله وحشاني.................... موضوعاتك

mindonna said...

شكرا يا عزيزي كناوي علي السؤال
لقد كتبت موضوعا عن الفن
أرجو أن يعجبك
:)