Monday, November 21, 2005

لعشاق الفن فقط (ولا مانع من المجانين أيضاً)



ذكرت في المرة السابقة أنني تعلمت من دراستي شيئا ما ، و هو أن الفن يوجد في كل شيء و كامن في كل شيء
برغم ترديدي لكلمة الفن بكثرة إلا أنني لا أحاول كثيراً تعريف كلمة الفن ، ففي تعريف الأشياء ابتذالها أحيانا ، كأنك تمسك كائنا ما تحبه و تقوم بتشريح أجزاءه لمعرفة مما يتكون
إذا فلنكتفي بأنه شيء جميل ، يجعلك تري الجميل في الأشياء ما يسمي منها بالقبيح أو الجميل ، و يكسر المقاييس
أخ ..بدأت في محاولة للتعريف ، لنبتعد عن ذلك ..
قد يظن الكثيرون ألا هناك علاقة ما بين العلم و الفن ، و أن لأهل العلم شأن و أهل الفن شأن آخر
حينما التحقت بالكلية ، كانت تعجبني في البداية الألوان الناتجة عن التفاعلات الكيميائية ،و هي نتاج امتزاج مركبات ، و في الرسم أيضاً امتزاج للألوان لتخليق لون و هكذا
و كذلك الأشكال التي تراها تحت المكبرات من قطاع لنباتات ، والكائنات التي لا تري بالعين المجردة ، كلها أشكال جميلة في غاية التناسق ( و في غمرة ذلك أنسي ما هو المقرر بالظبط ) أليس ذلك ضربا من الفن ؟

و الكيمياء الفراغية و ما تتحدث عنه من أشكال فراغية للمركبات ، و جمال تسلسل التفاعلات الكيميائية ،و ترتيب المعادلات الرياضية حتي في الفيزياء ..لو تخيلنا شكل الموجات الصوتية و هي تخرج من أفواهنا ، و لو تخيلنا تمازج أشعة الشمس و انكساراتها ، سوف تخلّق عالما آخر من الجمال

قد قرأت في مرة ( في موقع ما ) أن هناك عالم رياضي استنتج من الرمز الرياضي المساوي ناتج قسمة إثنين و عشرين علي 7 المسمي باي ( مش لاقية الرمز ) و معروف أن ناتج قسمته يساوي تلاتة إلي جانب كسور أخري علي الحانب الأيمن

22/7 = 3.1428571429
فعالج العالم هذه الكسور اللامتناهية و أخرج منها مقطوعة موسيقية
مقطوعة أبدية لا تنتهي استخرجت من أرقام ...إذاً فالكل مترابط هاهنا ، و كل فرع يمتزج بالآخر
أعتقد أنني قرأت لمصطفي محمود مقولة قائلة بأن ( الرسام يعبر عن الحياة بريشته ، والعالم الرياضي بمعادلاته )
ربما كان علي حق في تلك المقولة
و العالم ( أينشتاين ) كان من هواياته العزف علي الكمان
الكل يرنو إلي الآخر ،والكل يدور في فلك الفن
حتي نواميس الكون والطبيعة فن
ظنتت أن اهتمامي بالفن سيخبو مع الزمن
ولكنني مازلت غارقة فيها ، و مازال يعطي لي المعني للأشياء
و مازال يبعدني عما حولي
تعرفت علي طلبة الكليات الفنية المختلفة ، و كان يسعدني التعرف عليهم علي أمل أن أجد عشاق الفن المحترفين ، و أتعرف علي الأيدي الماهرة ،و إلي الآن لم أجد ما أنشده
في الأغلب كانوا منفوخون هواء يعتقدون أنهم ذوو إحساس عال و لا يفهم العامة (فنهم) العظيم بينما في إعتقادي أن عم (السيد) بياع الفول الذي يأتي في منتطقتنا كل صباح إحساسه أعلي منهم بكثير
و النموذج الآخر هو عابرالسبيل الذي لم يدخل الكلية إلا بالصدفة من أجل المجموع
وأتساءل أحيانا تري لو كان الحلم تحقق و التحقت بكلية فنية هل كان حماسي سيخبو و إهتماماتي ستحددها الدراسة الأكاديمية التي كنت سأدرسها ؟ لا أظن

مرة واحدة فقط رأيت هذه اللمعة التي تومض في عين العاشق للفن ، عدلي رزق الله رأيته بالصدفة في دار الأوبرا و كانت هناك مناسبة ما من أجل إفتتاح معرض لسمير الرافعي ( يبتسم الحظ أيضاً أحيانا )
كان يقول مقتبسا من (الجامعة) في الكتاب المقدس قائلا بعينين مجنونتين: باااطل الأباطيييل ..الكل باطل ..إلا الفن
هنا قلت لنفسي (أخ ..هذا الرجل ضحية من ضحايا الفن إذن )
الضحية غالبا تقضي حياتها كلها في رحلة من أجل الفن ، و لا تأخذ منها إلا النفحة ، و في المقابل هو(الفن) يأخذ حياة الضحية كلها
علي أيه حال الضحية تعيش و تموت راضية

فلا أعتقد أن الفن له علاقة بالرفاهية ،فالإحساس بالفن قد يوجد حتي بدون ممارستها
كنت أريد أنا أيضا أن أكون ضحية لها في يوم من الأيام ، و لكنني أفكر أحيانا إذا كان من الصحيح استهلاك العمر من أجل شيء ما ، و ما العيب إذا كنت أحب هذا الشيء ؟، و لكن الحب أو الكره ليس مقياسا سليما للأشياء

الإحساس العام الذي يتملكني دائما ناحية الفن : الخوف
الخوف من أن تتملكني ، وتأخذ مني كل شيء ، ولا أزال راضية وهانئة ..و أموت أيضاً وأنا علي هذا الحال
و أخاف أن أتركها فأعجزعن احتمال نفسي إلي الأبد

23 comments:

جليلة said...

رائع يا بت
بجد
كنت نايمة وصحصحتينى
حلو اوى توالى الافكار فى الموضوع وترتيبها
شكلك عامله دماغ حلوة
والموضوع فى حد ذاته مثير وفى نفس الوقت مؤلم جدااااا
جيتى عالجرح

Ghada said...

الله
انتي يا بنتي بهرتيني
مش عارفه امتى كان آخر مرة قريت حاجه بالصدق ده
ده الحب اللي بجد اللي بيقولوا عليه!!!

يابنتي دوسي!!! انتي خايفة من ايه؟؟؟ كام واحد ف الكون ده بيلاقي حاجه يبقى بيعشقها بجد وبيحصل منها على المتعه اللي انتي بتقدري تحصلي عليها دي، ويبقى مستعد يضحي علشانها؟؟ ده ف حد ذاته شيء عظيم

متفكريش كتير ده اللي مودينا ف داهية

ده انتي شايلة ف قلبك وساكته ياختيييي، طب وليه يعني؟ اتكلمي!(أنا مش محمد منير) من خلال فنك اللي انتي عارفه ان ناس كتير مؤمنة بيه.. وأولهم أنا !!
:)

بغض النظر عن ده بقى، أنا عجبتني أوي حتة تخيل أمواج الصوت دي....
وكمان انتي عندك حق جداً ف انتشار "مدعي الفن"ومدعي الإحاسيس المرهفة، وإن "ضحايا" أو عشاق الفن الحقيقيين دول مش شرط خالص يبقوا بيمارسوه أو حتى بيتذوقوه باحتراف..

فعلاً انتي اختارتي مثال جيد لعاشق حقيقي.. عدلي رزق الله

المهم يعني، بطلي خوف، مش أحسن ما تكتشفي ف الآخر انك قضيتي حياتك خايفة.. اندمي على حاجه أحسن ما تندمي انك معملتيش حاجه

Solo said...

انتى كمان من حقك على نفسك يبقى ليكى نفس اللمعة اللى فى عين عدلى رزق الله
اسمعى كلام غادة
مهما كانت الحاجات اللى مخوفاكى تمشى ف السكة اللى انتى عايزاها حسرتك بعدين هتخوفك اكتر

أنا said...

عارفه ان خوفك فعلا ممكن يبقي صحي ,وممكن كمان يبقي مرضي..ليه متحوليش خوفك لدافع او محرك
اقولك اضحكي عليه قبل ميضحك عليكي
وخافي احسن العمر يعدي وتندمي
وتلاقيه بيطلعلك لسانه ويقولك:-
راحة عليك يا حدق

احمد فوزى said...

ايه الحلاوة دى
الفن فعلا مالى الشوارع بس اللى يمد ايده ويحضنه , اللى بيختار الفن مجنون ف نظر اللى حواليه , بيحارب طواحين الهوا , كمان السوق العالمى الجديد خلى الفن فعلا سلعة , والفنانين صنايعية ,ماذا تفعل هوليود بالسينما و حاجات كتير قوى
الفن فطرى والفطرة من عند ربنا وربنا خلقك فنانة من غير ما تروحى مكان مخصص للدراسة لانك ساعتها ممكن تكرهى الفن , فلتذهب اللاشىء العلمى الى الجحيم , مثلا ممكن يعلمونا ان القصة لها بداية ونهاية وعقدة اللى غير كده مش قصة , يضطر انفى لعزف سونات مرتجلة لا تليق بما يحدث

mindonna said...

يا سلام يا جماعة
بجد انا فرحانة جدا ان في تشجيع بالطريقة دي
أصل نادر أوي اللي بيشجعني علي حب الفن عموما (نادر أتكلم عن الفن أصلا)

شكرا يا صفصافة ، الفن أحلي دماغ:)

شكرا يا غادة علي حماسك في التشجيع

سولو : صحيح ، اشمعني عدلي رزق الله
:)

مجاهد : كده كده الدنيا هتطلعلي لسانها في كل الأحوال يا يحي

أحمد فوزي : جميل ..واضح انك فاهم كويس اللي بيحصل في الوسط الفني سواء في الدراسة الأكاديمية أو بره الدراسة

المشكلة ان الناس الصادقة تنحت جانبا و بطلت تفنن كنوع من الترفع من الفساد و الزيف المتفشي في الوسط
مش عارفة ده جبن و لا خوف و لا استسلام
عموما كلها دوافع سلبية :)

HERA said...

ده كلام مايندونا انتى عارفه كويس انك متقدريش تمنعى نفسك عن الفن...بتقاوحى ليه؟؟ "الخوف من أن تتملكني ، وتأخذ مني كل شيء ، ولا أزال راضية وهانئة" انتى فاكرة الفن هياخد منك اكتر ما هيديكى؟؟؟
وبعدين ده انتى طماعة بشكل بقى مستقليه بإنك تبقى راضيه وهانئة زى
مابتقولى هوه المقابل ده قليل؟؟؟
وخوفك ده طبيعى اللى بيحب حاجه بيخاف عليها اوى بس عمره مايستغنى عنها ..يخرب بيت الوسوسة
انتى مجنونة فن مايندونا واللمعة اللى بتحكى عنها انا شفت اللى اكتر منها فى عنيكى
البوست جامد مووووت

HERA said...
This comment has been removed by a blog administrator.
احمد فوزى said...

الكلام ده كابس على نفسى وحاولت مااقلوش , لكن اهوه بقى والرزق على الله , اللى بيحصل ف البلد دى معاك واسطة تشتغل ف السبوبة , معاك افكار احلام اى حاجات جاية من الكتب والناس والفن اللى بيتهيألك انه حقيقى انسى , مين يساعدك ان خان قدم تنازلات عشان فيلمه يطلع وبشارة بيعك ف التلفزيون , وداود قاعد , فين السيناريست الجميل يحى عزمى صاحب الطوق والاسورة وفين فلان وفين علان , بلاش كل ده النقد لا مؤاخذة ده تعريص وزيس علنى واضح , الفن ف نظر الناس يعنى داعرين , ف الحقيقة الدعر كلمة لا تكفى لنقل ما يحدث
قولوا كمان لان كلامكم ده بيقلقهم , مرعوبين هما دايما مرعوبين

Omar said...

ميندونا:
أولاً طرحك لطبيعة الفن ووجوده القدري في كل تفصيلة في حياتنا، طرح بديع وصادق وأتفق معاه بشدة..

وكمان فكرة الاحتراف والهواية، والدراسة..إلخ، كلام مظبوط جداً

لكن أنا شايف إنك بتطرحي مشكلة مش موجودة، انتي صحيح خايفة؟ خايفة من إيه؟ لو كنتي صحيح (اتمسيتي) فن (وشكلك ممسوسة يا بنتي)، فمش بمزاجك تنسي أو تختاري، بقى قدرك، مهما منعتي نفسك عنه - ومش عارف ليه ممكن تعملي ده - فهتعمليه بشكل أو بآخر، حتى لو في إيقاع التنفس أو في طريقة الكلام، انتي متورطة بالضرورة.. واللي هتهربي منه هتروحيله

أعرف واحدة منعت روحها عن المزيكا فترة كبيرة (بسبب أفكار ما)، وفي لحظة سمعت مزيكا في الشارع، قعدت تعيط زي العيال، طب دي هتروح فين والنبي، مالهاش مكان تاني، مفيش أصدق من كدة، مسألة فطرة وطبيعة، ويخرب بيت كل الضيق اللي في الدنيا

شفتي؟ خلليتيني أرغي كالعادة.. تتمسي بالخير يا فنانة

Bluesman said...

سلام
صراحةاجد صعوبة في الربط بين الفيزياء والفن والسبب بسيط
طوال حياتي الدراسية لم يسبق لي ان حصلت علي المعدل في الرياضيات والفيزياء

الكناوي said...

فنانة والله فنانة ميندونا

الكناوي said...

مندونا ممكن الياهو بتاعك عشان أهريك موسيقى كناوة أرسلي لي عنوانك علىb_gnawi1977@yahoo.fr

mindonna said...

شكرا يا هيرا علي التشجيع

بس شفتي لمعة عينيا ازاي ؟ :)

عمر : شكرا علي كلامك الحلو يا عمر
صحيح ..احنا اللي بنخلق المشاكل :)

كناوي : شكرا يا كناوي مقدما علي الأغاني:)
انا بعتلك الميل
منتظرة الرد

mindonna said...

ريحان ، لم تخسر كثيرا بعدم حصولك علي معدل في الفيزياء

ربنا أنقذك :)

المليجي said...

عند بداية عهدي بالفن كنت مغرما بالتعريفات والتحليلات الكلامية المنمقة له
وبعد دراستي للفن لم أعد أهتم بها
وبعد ممارستي له أدركت مدى سخافتها

mindonna said...

بتحصل في أحسن العائلات يا مليجي

العكس هو اللي مبيحصلش كتير :)

stay away said...

يقول جبران خليل جبران : الفن خطوة تخطوها الطبيعه للأبدية ..

بالأمس مررت من هنا وقرأت نصك حول الفن , وعدتُ بعد يوم من التأمل
وتوصلت إلى تعريف مناسب بأن كل ماهو جميل يعتبر فناً , وأيضاً كل ما يبهج الروح
ببساطةإشراقة الصباح,رائحة القهوة,صوت فيروز
الفن يتجلى بوضوح من خلال إبتسامة طفل
هذه الحياة أشبة بلوحة سريالية
لازلت أفكُ طلاسم رموزها

دمتي فناً جميلاً
وعذراً للإقتحام

mindonna said...

ياريت كل الإقتحامات تبقي جميلة كده

شكرا يا فندم :)

Anonymous said...

Enjoyed a lot! multiplayer craps casino game Nvidia geforce2 mx200 32mb graphic card driver

Anonymous said...

Very cool design! Useful information. Go on! »

Anonymous said...

Wonderful and informative web site. I used information from that site its great. »

el7osiny said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير