Saturday, December 31, 2005

happy new year



سلامي إلي الجميع
العبدة لله حاليا في دوامة وردية من دوامات الإمتحانات ،و أعتقد أن الكثير منكم حاليا في هذه الدوامة
بمناسبة العام الجديد قمت بتجميع بعض التدوينات التي أعجبتني في هذه السنة ، و بما أن تجميع الأشياء الجيدة التي تلفت نظري من هواياتي المفضلة فسأقوم بتجميعها هاهنا
في آخر كل عام أقوم بكتابة ملخص لأحداث الشهور الماضية ، فعلتها العام الماضي حينما فقدت الأمل في مذاكرة مادة مستعصية و كان باقي الأيام للإمتحان هو يوم واحد فقط ، فقمت بقتل الوقت بهذه الطريقة
كتابة ملخص للشهور أشبه بالإبتعاد عن لوحة ضخمة كي تستطيع أن تري الشكل العام دون الإنشغال بالتفاصيل
لنعد إلي التدوينات
من أوائل التدوينات التي حاظت بإعجابي تدوينة رومانتيكية بعض من الوحدة ،و إلي الآن أعتبر أن هذه التدوينة أفضل ما كتبه بيانست بالنسبة لي
و تدوينة ليلة عيد الميلاد من أكثرالتدوينات التي أعجبتني-حيث هناك الكثير- لسولو
و تدوينة ترانيم قديمة ليحي مجاهد
و للمدون الجميل شوكير تدوينة حوار مع نفسى – لقاء جيلين أحببتها جدا و إلي الآن
قصة مريم المجدلية ..تجدها ثلاث للمدونة ليليت من القصص التي تبهرني
تدوينة مسرور يمارس الحب للمدون واحد افتراضي أعتبرها من الأعمال الأليمة ذات اللغة المميزة
و للمدون جمالون البولدوزر تدوينة والله ما طاب عشق حتما كان حراماً ، ربما أكون لست مقتنعة بما يفكر به أنطوان إلا أن كم الصدق في هذه التدوينة تجعلها عميقة
و بالطبع هناك الكثيير و الكثير من التدوينات الجميلة الأخري
كل عام و أنتم بخير

16 comments:

Anonymous said...

salam
sana saida

أبوشنب said...

أولاً مختاراتك جامد بالقوي

ثانياً دعواتنا ليكي في الامتحانات

ثالثاً انتي بتدرسي ايه
بس عشان افهم هيه امتحانات بجد ولا
.......

Pianist said...

متشكر يا مندوننا
والله اتبسط لما لاقيت حاجة من عندي في مختاراتك
الحاجات التانية فعلا حلوة بجد
هابي نيو يير

Ahmed Shokeir said...

ميندونا .. سنة سعيدة إن شاء الله

تجميعة فعلا لذيذة .. لواحدة دماغها عالي بس آخر حاجة أتوقعها إن يكون بوست لي موجود مع البوستات التحفة دي وخصوصا بوست سولو ( عيد الميلاد) فعلا جميل

متشكرين

Lasto-adri *Blue* said...

كل سنة وانت طيبة ... وشدى حيلك ف الامتحانات

Lasto-adri *Blue* said...

كل سنة وانت طيبة ... وشدى حيلك ف الامتحانات

mindonna said...

بلوزمان : شكرا علي التحية
سنة سعيدة لك و لنا جميعا يا ريحان :)

أبوشنب : كويس ان المختارات عجبتك يابو شنب
ادعيلي و النبي
أنا في صندلة ..أقصد صيدلة يا فندم
:(
إمتحانات بجد الجد و الله

بيانست :العفو يا بيانست
أقولك علي حاجة ..تدوينتك دي هي اللي جبتلي فكرة ان انا أجمع التدوينات اللي عجبتني في تدوينة في يوم ما
يعني انت أساس الفكرة :)

شوكير : دانتا كان لازم تكون موجود من المختارات يا شوكير لأني بحب تدويناتك دايما
الكوميديا أحيانا كتير بتبقي أصعب من الكتابات المحزنة :)

لستو : حمد الله عالسلامة يا لستو
شكرا علي تشجيعك ، و كل سنة و انتي طيبة يا جميل :)

أبوشنب said...

لا ربنا معاكي بجد

أنا عارف الجماعة الصنادلة كويس وامتحاناتهم

وخصوصاً مادة المحاسبة وادارة الاموال

خصوصا لو كانت صندلة ع شمس

وبهذا الشأن نعلن نحن أبوشنب الثالث كبير عائلة ابو شنب قبلي

أن منيدونا بتمتحن بجد وجد الجد

HERA said...

هابى نيو يير يا ماندوو
وميرسي بجد على البوست ده
خلتينى اكتشف حاجات جامدةةة
وربنا يوفقك فى امتحاناتك

littilemo said...

طيب

Anonymous said...

happy new year;)

Solo said...

كل سنة و انتى طيبة يا ميندوننا ... رمضان كريم

mindonna said...

أبو شنب : مفيش إدارة محاسبة و أموال يابوشنب
و لا أنت قاصد تريقة ؟ :)

هيرا : شكرا يا جميلة ، هابي نيو ييييير

ليتل مو : طيبون

فُلة : شكرا علي المرور ، عام سعيد لك بإذن الله :)

سولو : كل سنة و انت طيب ياسولو ، بس هو ايه حكاية رمضان كريم ؟
صباح النور:)))

أحمد فوزي : يارب يابوحميد

أبوشنب said...

والله العظيم دي مش تريقه

ده هزار برئ

أبوشنب said...

دعوة للقاء بالمدونين
في معرض الكتاب
عكاظ الشعراء
الجمعة 20 يناير

الساعة الرابعة عصراً

واحد إفتراضي said...

شكرا عالدعاية :)
بس إسمي : لا واحد إفتراضي ولا طيزي, رجاء لا تختزليني